ព័ត៌មានអន្ដរជាតិ

ទាហានអាមេរិកម្នាក់ស្លាប់ បន្ទាប់ពីធ្លាក់ពីលើនាវាចម្បាំង ក្បែរឆ្នេរសមុទ្រវ៉េណេស៊ុយអេឡា

បានផុស

៥ ខែ មុន

នៅ

ថ្ងៃសុក្រ ១៣ កុម្ភៈ ២០២៦

ដោយ

ទាហានអាមេរិកម្នាក់សន្មត់ថាស្លាប់ បន្ទាប់ពីបានធ្លាក់ពីលើនាវាចម្បាំងម៉ាក USS Iwo Jima នៅឯឆ្នេរសមុទ្រនៃប្រទេសវ៉េណេស៊ុយអេឡា និងស្វែងរករយៈពេលបីថ្ងៃ តែគ្មានផ្លែផ្កា។

លោក Chukwuemeka Oforah ក្នុងឆ្នាំ ២០២៤ អំឡុងពេលការវាយតម្លៃការត្រៀមខ្លួនប្រយុទ្ធរបស់កងម៉ារីននៅ Camp Lejeune ។ (រូបភាព៖ Marine Corps)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាម AFP ចុះផ្សាយថ្ងៃទី១៣ ខែកុម្ភៈ ឱ្យដឹងថា កងកម្លាំងម៉ារីនអាមេរិក (USMC) បានប្រកាសបញ្ចប់ប្រតិបត្តិការស្វែងរក លោក Chukwuemeka Oforah នៅថ្ងៃទី១២ ខែកុម្ភៈ ជាទាហាន មានអាយុ ២១ ឆ្នាំ ធ្លាក់ពីនាវាម៉ាក USS Iwo Jima ក្នុងសមុទ្រការ៉ាប៊ីន (Caribbean) ក្បែរប្រទេសវ៉េណេស៊ុយអេឡា កាលពីថ្ងៃទី៧ ខែកុម្ភៈ។

លោក Oforah ត្រូវបានគេកំណត់ថាបានស្លាប់ បន្ទាប់ពីការស្វែងរកមិនទទួលបានផ្លែផ្កាអស់រយៈពេល ៧២ ម៉ោង។

ប្រតិបត្តិការស្វែងរក និងការជួយសង្គ្រោះ ធ្វើឡើងដោយមានការចូលរួមពីកងកម្លាំងអាមេរិកជាច្រើន ក្នុងនោះមាននាវាកងទ័ពជើងទឹកចំនួន៥ យន្តហោះចំនួន១០គ្រឿង កម្លាំងទ័ពអាកាស និងកងម៉ារីន។ លើសពីនេះ USMC កំពុងស៊ើបអង្កេតពីមូលហេតុនៃការធ្លាក់របស់ លោក Oforah ចូលទៅក្នុងសមុទ្រ។

គួរបញ្ជាក់ថា លោក Oforah គឺជាសមាជិកសេវាកងកម្លាំងអាមេរិកដំបូងគេ ដែលត្រូវបានគេស្គាល់ច្រើនក្នុងប្រតិបត្តិការ Southern Spear របស់ក្រុងវ៉ាស៊ីនតោន នៅសមុទ្រការ៉ាប៊ីនកាលពីឆ្នាំមុន។

យោងតាមរដ្ឋបាលរបស់ប្រធានាធិបតី លោក ដូណាល់ ត្រាំ ប្រតិបត្តិការនេះត្រូវបានធ្វើឡើង ដើម្បីស្វែងរក និងចាប់បណ្តាញឧក្រិដ្ឋកម្មឆ្លងដែននៅតាមសមុទ្រ ជាពិសេសពាក់ព័ន្ធនឹងការជួញដូរគ្រឿងញៀន។

គួរបញ្ជាក់ថា យ៉ាងហោចណាស់មានទូកចំនួន ៣៩ ដែលគេសង្ស័យថាបានផ្ទុកសារធាតុហាមឃាត់បានលិចក្នុងសមុទ្រការ៉ាប៊ីន និងប៉ាស៊ីហ្វិកចាប់តាំងពីការចាប់ផ្តើមប្រតិបត្តិការ។ ជាពិសេសបានសម្លាប់មនុស្សរាប់សិបនាក់ ហើយកប៉ាល់វាយប្រហារម៉ាក់ USS Iwo Jima បានដើរតួនាទីសំខាន់ក្នុងប្រតិបត្តិការនេះ។

ចំណែក នាវាចម្បាំងនេះក៏បានចូលរួមក្នុងការប្រហាររបស់សហរដ្ឋអាមេរិក ដើម្បីចាប់យកប្រធានាធិបតីវ៉េណេស៊ុយអេឡា លោក នីកូឡាសម៉ាឌូរ៉ូ (Nicolas Maduro) កាលពីថ្ងៃទី៣ ខែមករា ផងដែរ៕

ប្រែសម្រួល៖ ណឺ មិនា