ព័ត៌មានអន្ដរជាតិ
WHO ចង់ប្រមូលទិន្នន័យបន្ថែមនៃករណីកំណកឈាមរបស់វ៉ាក់សាំង AstraZeneca ក្រៅពីអឺរ៉ុប
ទីប្រឹក្សាវ៉ាក់សាំងរបស់អង្គការសុខភាពពិភពលោក (WHO) កាលពីថ្ងៃព្រហស្បតិ៍ បានស្នើសុំការទទួលបានទិន្នន័យបន្ថែមអំពីករណីកំណកឈាមចំពោះអ្នកដែលបានទទួលការចាក់វ៉ាក់សាំងការពារជំងឺកូវីដ ១៩ របស់ក្រុមហ៊ុន AstraZeneca នៅខាងក្រៅអឺរ៉ុប ។
ក្រុមអ្នកជំនាញ SAGE របស់ WHO បានធ្វើបច្ចុប្បន្នភាពការណែនាំរបស់ពួកគេស្តីពីការប្រើប្រាស់វ៉ាក់សាំង AstraZeneca ពាក់ព័ន្ធនឹងការប្រុងប្រយ័ត្នចំពោះទិន្នន័យស្តីពីករណីកំណកឈាមពីអឺរ៉ុប ។
ទន្ទឹមនោះក្រុមអ្នកជំនាញ SAGE បានសង្កត់ធ្ងន់នៅក្នុងសេចក្តីថ្លែងការណ៍មួយថា “អង្គការសុខភាពពិភពលោក នៅតែបន្តគាំទ្រដល់ការសន្និដ្ឋានថា អត្ថប្រយោជន៍នៃវ៉ាក់សាំង AstraZeneca មានច្រើនជាងហានិភ័យ” ។
កាលពីថ្ងៃទី ៧ ខែមេសា SAGE បាននិយាយថា ទំនាក់ទំនងរវាងករណីកំណកឈាម និងការចាក់វ៉ាក់សាំង AstraZeneca គឺអាចជឿទុកចិត្តបាន ប៉ុន្តែការកើតឡើងនេះគឺជារឿងកម្រមានណាស់ ។
យោងតាមការចុះផ្សាយរបស់សារព័ត៌មាន AFP បានឲ្យដឹងថា គិតមកដល់ពេលនេះ វ៉ាក់សាំងការពារជំងឺកូវីដ ១៩ របស់ក្រុមហ៊ុន AstraZeneca កំពុងត្រូវបានដាក់ចែកចាយប្រើប្រាស់នៅប្រទេស និងដែនដីចំនួន ១៥៧ ហើយ ។
SAGE បាននិយាយថា ករណីកំណកឈាមភាគច្រើនត្រូវបានគេរាយការណ៍នៅក្នុងប្រទេសអង់គ្លេស និងសហភាពអ៊ឺរ៉ុប ខណៈករណីបែបនេះមានតិចតួចណាស់ដែលត្រូវបានកត់សម្គាល់នៅក្នុងប្រទេសដទៃទៀត ។
បន្ថែមពីនេះ គេមិនដឹងថា តើមានហានិភ័យនៃករណីកំណកឈាមកើតឡើងពីការចាក់វ៉ាក់សាំង AstraZeneca ដូសទី ២ យ៉ាងណានោះទេ ខណៈពេលដែលពួកគេបានណែនាំដល់អ្នកដែលទទួលរងនូវការកកឈាម បន្ទាប់ពីចាក់ដូសដំបូង មិនគួរចាក់ដូសទី ២ ឡើយ ៕
ប្រែសម្រួលដោយ ៖ ជីវ័ន្ត
ប្រភព ៖ CNA
ចុចអាន ៖ WHO ទទូចដល់ប្រទេសនៅអាហ្វ្រិក កុំទាន់បំផ្លាញវ៉ាក់សាំងកូវីដផុតកំណត់ ទុកអាចប្រើបាន
ចុចអាន ៖ មេ WHO ចែករំលែកវិធី ៥ យ៉ាងដល់ប្រជាជនទូទាំងពិភពលោកអនុវត្ត អំឡុងជំងឺកូវីដ ១៩
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង