ព័ត៌មានអន្ដរជាតិ
ការស្រាវជ្រាវអះអាងថា ឧស្សាហ៍ហូបផ្សិតអាចកាត់បន្ថយហានិភ័យជំងឺមហារីកបាន ៤៥ ភាគរយ
ការសិក្សាស្រាវជ្រាវបង្ហាញថា ការបន្ថែមផ្សិតចូលក្នុងរបបអាហារប្រចាំថ្ងៃអាចជួយកាត់បន្ថយហានិភ័យនៃជំងឺមហារីក។
ក្រុមអ្នកស្រាវជ្រាវមកពីវិទ្យាស្ថានជំងឺមហារីករដ្ឋ Penn សហរដ្ឋអាមេរិក បានវិភាគលើការសិក្សាចំនួន ១៧ អំពីជំងឺមហារីកនិងការទទួលទានផ្សិតដែលបោះពុម្ពផ្សាយចាប់ពីឆ្នាំ ១៩៦៦ ដល់ឆ្នាំ ២០២០ ហើយបានរកឃើញថា ការបរិភោគផ្សិតត្រឹមតែ ១៨ ក្រាម អាចកាត់បន្ថយហានិភ័យនៃជំងឺមហារីករហូតដល់ ៤៥ ភាគរយ។
រីឯការសិក្សាជាច្រើនពីមុនៗ បានអះអាងដែរថា ការទទួលទានផ្សិតនឹងនាំឱ្យមានការថយចុះហានិភ័យនៃជំងឺមហារីករួមមាន ជំងឺមហារីកក្រពេញប្រូស្តាត មហារីកមាត់ស្បូន និងមហារីកសុដន់។
លោក Richie សាស្ត្រាចារ្យផ្នែកវិទ្យាសាស្ត្រសុខភាពសាធារណៈនិងឱសថសាស្ត្រនៅវិទ្យាស្ថានមហារីករដ្ឋ Penn មានប្រសាសន៍ថា “ការរកឃើញទាំងអស់ផ្តល់នូវភស្តុតាងថា ផ្សិតអាចការពារប្រឆាំងនឹងជំងឺមហារីក” ។ បន្ថែមពីលើនោះ ទោះបីយើងញ៉ាំវាច្រើនក៏ដោយ ក៏មិនបង្កហានិភ័យអ្វីដែរ ហើយអត្រាកើតមហារីកនៅតែថយចុះ។
ផ្សិតជាប្រភពដ៏ល្អនៃប្រូតេអ៊ីន វីតាមីន ជាតិរ៉ែ ជាតិសរសៃ និងសារធាតុប្រឆាំងអុកស៊ីតកម្ម ដែលអ្នកជំនាញបានទទួលស្គាល់ជាយូរមកហើយ។ វាមានប្រវត្តិប្រើជាឱសថនៅតំបន់អាស៊ីពីអតីតកាល ប៉ុន្តែអត្ថប្រយោជន៍សុខភាពថ្មីៗរបស់វាទើបតែរកឃើញក្នុងប៉ុន្មានទសវត្សនេះទេ។
ការសិក្សាជាច្រើនបង្ហាញថា ផ្សិតអាចជួយប្រឆាំងនឹងការរលាក ក៏ដូចជាប្រឆាំងនឹងការសាយភាយជាតិគីមីបានយ៉ាងល្អ។ អ្វីដែលគួរឱ្យចាប់អារម្មណ៍ផ្សិតមានផ្ទុកសារធាតុ ergothioneine ដែលជាសារធាតុប្រឆាំងអុកស៊ីតកម្មនិងប្រឆាំងការរលាកដែលអាចសំយោគដោយខ្លួនឯងបាននៅក្នុងរាងកាយមនុស្ស។ បន្ថែមពីលើសារធាតុប្រឆាំងអុកស៊ីតកម្មនៅក្នុងរាងកាយ វាអាចជួយការពារប្រឆាំងនឹងភាពតានតឹងផងដែរ។
ការទទួលទានផ្សិត ៣ ដងឬច្រើនជាងនេះក្នុងមួយសប្តាហ៍ នាំឱ្យហានិភ័យជំងឺមហារីថយចុះ ១៧ ភាគរយ បើធៀបនឹងអ្នកដែលញ៉ាំផ្សិតតិចជាងម្តងក្នុងមួយសប្តាហ៍។ ផ្សិតប្រមូលផ្តុំជាមួយនឹងប្រូតេអ៊ីនប្រឆាំងនឹងជំងឺមហារីកហៅថា interferon alpha អាចកាត់បន្ថយការលូតលាស់កោសិកាមហារីកប្លោកនោម និងក្រពេញប្រូស្តាតចំពោះអ្នកជំងឺរហូតដល់ ៧៥ ភាគរយ។ នេះបើតាមការសិក្សាដោយមជ្ឈមណ្ឌលវេជ្ជសាស្ត្រ New York កាលពីឆ្នាំ ២០០៩។
ទោះយ៉ាងណា ផ្សិតខ្លះមិនមានគុណប្រយោជន៍ចំពោះសុខភាពនោះទេ ជាពិេសសផ្សិតមួយចំនួនអាចឱ្យនាំអ្នកទទួលទានពុលស្លាប់បាន ដូច្នេះត្រូវប្រយ័ត្នចំពោះផ្សិតដែលមិនស្គាល់៕
ប្រែសម្រួល៖ សន្យា
ប្រភព៖ Daily Mail
ចុចអាន៖ កាហ្វេអាចជួយសម្រកទម្ងន់ដោយមិនដឹងខ្លួន តែក៏គួរដឹងរឿងទាំងនេះ
ចុចអាន ពពួកសារធាតុចិញ្ចឹមរាងកាយចាំបាច់បំផុត ទប់ទល់នឹងវីរុសកូវីដ-១៩
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង