ព័ត៌មានអន្ដរជាតិ
រំភើបជំនួស! ក្រោយជោគជ័យជាមួយការចាក់វ៉ាក់សាំង អ៊ីស្រាអែល មិនមានអ្នកស្លាប់ថ្មីដោយកូវីដលើកដំបូងក្នុងរយៈពេលជិត ១ ឆ្នាំ
អ៊ីស្រាអែល មិនបានកត់ត្រាថា មានអ្នកស្លាប់ដោយសារជំងឺកូវីដ ១៩ នោះទេកាលពីថ្ងៃព្រហស្បតិ៍ ហើយនេះជាលើកទីមួយក្នុងរយៈពេលប្រហែល ១០ ខែ ដែលប្រទេសនេះមិនបានរាយការណ៍ពីការស្លាប់ដោយសារជំងឺនេះ ។
ទិន្នន័យដែលចេញផ្សាយដោយរដ្ឋាភិបាលអ៊ីស្រាអែលបានបង្ហាញថា គិតត្រឹមម៉ោង ៨ ល្ងាចកាលពីថ្ងៃសុក្រ ប្រទេសនេះមិនមានអ្នកស្លាប់ដោយសារជំងឺកូវីដ ១៩ នោះទេ ។
ទន្ទឹមនោះ ចំនួនករណីឆ្លងថ្មីនៃជំងឺកូវីដ ១៩ ក៏កំពុងធ្លាក់ចុះផងដែរនៅទូទាំងប្រទេសអ៊ីស្រាអែល បន្ទាប់ពីយុទ្ធនាការចាក់វ៉ាក់សាំងនៅតែបន្តក្នុងលក្ខណៈទ្រង់ទ្រាយធំ ។
បន្ថែមពីនេះ ប្រជាជនប្រមាណ ៥ លាននាក់ ឬប្រហែល ៥៤ ភាគរយនៃចំនួនប្រជាជន បានទទួលការចាក់វ៉ាក់សាំងពេញ ២ ដូសរួចហើយ ។
ដំបូងឡើយ ចំនួនករណីឆ្លងថ្មីប្រចាំថ្ងៃមានលើសពី ១០,០០០ នាក់ក្នុងខែមករា ប៉ុន្តែកាលពីថ្មីៗនេះបានធ្លាក់ចុះវិញត្រឹមប្រហែល ១០០ នាក់ប៉ុណ្ណោះ ។
រហូតមកដល់ពេលនេះ អ៊ីស្រាអែល បានរាយការណ៍អំពីការស្លាប់ដោយសារជំងឺកូវីដ ១៩ ប្រមាណ ៦,៣០០ នាក់ ខណៈចំនួនអ្នកស្លាប់ខ្ពស់បំផុតក្នុងមួយថ្ងៃគឺ ៧៧ នាក់ក្នុងខែមករា ។
ស្របពេលជាមួយគ្នានេះ ក្រសួងសុខាភិបាលបាននិយាយកាលពីខែកុម្ភៈថា ការចាក់វ៉ាក់សាំងការពារជំងឺកូវីដ ១៩ បានបង្ហាញថា មានប្រសិទ្ធភាព ៩៨.៩ ភាគរយក្នុងការការពារការស្លាប់ពីវីរុសនេះក្នុងរយៈ ២ សប្តាហ៍ បន្ទាប់ពីចាក់ដូសទី ២ ។
អ្វីដែលពិសេសទៀតនោះ រដ្ឋាភិបាលកំពុងរៀបចំសម្រាប់ការផ្គត់ផ្គង់វ៉ាក់សាំងបន្ថែមទៀត ខណៈដែលបានប្រកាសកាលពីដើមខែនេះថា ប្រទេសនេះបានឈានដល់កិច្ចព្រមព្រៀងជាមួយក្រុមហ៊ុនឱសថអាមេរិក Pfizer សម្រាប់ការទិញវ៉ាក់សាំងបន្ថែមសម្រាប់ឆ្នាំ ២០២២ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ អ៊ីស្រាអែល លែងតម្រូវឲ្យប្រជាជនពាក់ម៉ាសពេលចេញក្រៅ ចាប់ពីថ្ងៃនេះទៅ
ចុចអាន ៖ ជារឿងកម្រ! ទារកអ៊ីស្រាអែលម្នាក់ស្លាប់ក្នុងស្បូន ដោយសារឆ្លងកូវីដពីម្ដាយ
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
កសិដ្ឋានវៃឆ្លាតដាំដំណាំពោតលើផ្ទៃដីប្រមាណ ១ពាន់ហិកតា នៅខេត្តសៀមរាប ត្រូវបានសម្ពោធជាផ្លូវការ