ព័ត៌មានអន្ដរជាតិ

អឺរ៉ុបក្លាយជាប្លុកនាំចូលសព្វាវុធធំជាងគេរបស់ពិភពលោក នៅ៥ឆ្នាំចុងក្រោយ

បានផុស

៥ ខែ មុន

នៅ

ថ្ងៃចន្ទ ៩ មីនា ២០២៦

ដោយ

អឺរ៉ុបក្លាយជាអ្នកនាំចូលអាវុធធំជាងគេបំផុតរបស់ពិភពលោកក្នុងរយៈពេល៥ឆ្នាំចុងក្រោយនេះ ខណៈរដ្ឋាភិបាលនានាក្នុងប្លុកនេះប្រតិកម្មចំពោះការគំរាមកំហែងរបស់រុស្ស៊ី និងការថយចុះផ្នែកទំនុកចិត្តសន្តិសុខរបស់សហរដ្ឋអាមេរិក។ នេះយោងតាមទិន្នន័យពីវិទ្យាស្ថានស្រាវជ្រាវសន្តិភាពអន្តរជាតិស្តុកខុម (SIPRI) បង្ហាញនៅថ្ងៃចន្ទនេះ។

យន្តហោះចម្បាំងរបស់ Eurofighter Jagdflugzeug GmbH។ រូបភាព៖ Reuters

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរ៉យទ័រចុះផ្សាយថ្ងៃទី៩ខែមីនា, ប្រទេសនៅអឺរ៉ុបបង្កើនការនាំចូលអាវុធច្រើនជាងបីដងក្នុងឆ្នាំ ២០២១-២០២៥ បើប្រៀបធៀបទៅនឹងឆ្នាំ ២០១៦-២០២០ ដើម្បីផ្គត់ផ្គង់ដល់អ៊ុយក្រែនក្នុងការការពារខ្លួនប្រឆាំងនឹងការឈ្លានពានរបស់រុស្ស៊ី និងកសាងយោធាឡើងវិញ បន្ទាប់ពីការវិនិយោគមិនគ្រប់គ្រាន់អស់រយៈពេលជាច្រើនទសវត្សរ៍មកហើយ។

លោក Mathew George នាយកកម្មវិធីផ្ទេរអាវុធនៃអង្គការ SIPRI បានលើកឡើងថា៖ «ការកើនឡើងយ៉ាងខ្លាំងនៃលំហូរអាវុធទៅកាន់រដ្ឋនៅអឺរ៉ុប បានជំរុញឱ្យការផ្ទេរអាវុធសកលកើនឡើងជិត ១០ភាគរយ»។

របាយការណ៍មួយបានបង្ហាញថា អឺរ៉ុបមានចំនួន ៣៣% នៃការនាំចូលអាវុធជាសកល កើនឡើងពី១២% ក្នុងរយៈពេល៥ឆ្នាំមុន។

ទោះបីជាមានការជំរុញផលិតកម្មក្នុងស្រុកក៏ដោយ បណ្តាប្រទេសនៅអឺរ៉ុប នៅតែបន្តបង្កើនការទិញអាវុធរបស់សហរដ្ឋអាមេរិក ជាពិសេសយន្តហោះប្រយុទ្ធ និងប្រព័ន្ធការពារដែនអាកាសរយៈចម្ងាយឆ្ងាយ។

ការនាំចូលអាវុធដោយរដ្ឋមជ្ឈិមបូព៌ាបានធ្លាក់ចុះ ១៣% បើទោះបីជាប្រទេសអារ៉ាប៊ីសាអូឌីត និងកាតាស្ថិតក្នុងចំណោមអ្នកទិញកំពូលទាំងបួនក៏ដោយ។

លោក Pieter Wezeman អ្នកស្រាវជ្រាវជាន់ខ្ពស់របស់ SIPRI និយាយថា៖ « ការធ្លាក់ចុះនេះ ភាគច្រើនឆ្លុះបញ្ចាំងពីការបញ្ជាទិញយ៉ាងច្រើនពីអារ៉ាប៊ីសាអូឌីតអំឡុងពេលមុនផលិត តែត្រូវការធ្វើសមាហរណកម្ម»។

គួរញ្ជាក់ថាជម្លោះបច្ចុប្បន្នទំនងជានឹងលើកកម្ពស់ការផ្គត់ផ្គង់បន្ថែមទៀត ជាពិសេសប្រព័ន្ធប្រឆាំងមីស៊ីល និងប្រព័ន្ធការពារដែនអាកាស។

លោក Wezeman បន្តថា៖ « ពួកគេនឹងជំនួសអ្វីដែលបានប្រើជាមុនសិន ប៉ុន្តែពួកគេក៏នឹងពិចារណាទិញឧបករណ៍បន្ថែមទៀត ដើម្បីការពារខ្លួនឱ្យបានល្អជាងអ្វីដែលពួកគេអាចធ្វើបានឥឡូវនេះ»៕

ប្រែសម្រួល៖ ណឺ មិនា