ព័ត៌មានអន្ដរជាតិ

អាមេរិកផ្តើមបញ្ចេញប្រេងពីឃ្លាំងបម្រុងយុទ្ធសាស្រ្តចំនួន៤២.៥លានបារ៉ែលសិន

បានផុស

៤ ខែ មុន

នៅ

ថ្ងៃសៅរ៍ ២១ មីនា ២០២៦

ដោយ

ខណៈតម្លៃប្រេងឥន្ធនៈបន្តហក់ឡើងថ្លៃនិងជាក្តីកង្វល់ដ៏ខ្លាំងនៅជុំវិញពិភពលោក សហរដ្ឋអាមេរិកដែលបានចាប់ផ្តើមសង្គ្រាមវាយប្រហារអ៊ីរ៉ង់ ដែលនាំទៅដល់ការហក់ឡើងតម្លៃប្រេងជាសកល បានបញ្ចេញប្រេងឆៅពីស៊ីតែនបម្រុងយុទ្ធសាស្រ្ត។

យោងតាមសេចក្តីថ្លែងការណ៍មួយដែលបានបង្ហោះនៅលើគេហទំព័ររបស់ក្រសួងថាមពលសហរដ្ឋអាមេរិក សហរដ្ឋអាមេរិកបានបញ្ចេញប្រេងឆៅចំនួន ៤២,៥ លានបារ៉ែលក្នុងដំណាក់កាលដំបូងពីអាងស្តុកបម្រុងប្រេងយុទ្ធសាស្ត្ររបស់ខ្លួនទៅឱ្យក្រុមហ៊ុនប្រេង។

អាងស្តុកប្រេងបម្រុងយុទ្ធសាស្រ្តរបស់សហរដ្ឋអាមេរិក។ Reuters

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រេងឆៅចំនួន ៤២,៥ លានបារ៉ែលគឺស្ថិតក្នុងចំណោមចំនួនសរុប ១៧២ លានបារ៉ែលដែលបានគ្រោងទុកសម្រាប់ការបញ្ចេញទៅកាន់ទីផ្សារដើម្បីកាត់បន្ថយក្តីកង្វល់លើការខ្វះខាតប្រេង និង ទប់ស្កាត់ការហក់ឡើងថ្លៃយ៉ាងគំហុក។

សេចក្តីថ្លែងការណ៍របស់ក្រសួងថាមពលអាមេរិក បញ្ជាក់ថា សហរដ្ឋអាមេរិកបានចាប់ផ្តើមដំណាក់កាលដំបូងនៃការបញ្ចេញប្រេងចំនួន ៤២,៥ លានបារ៉ែលពីទុនបម្រុងយុទ្ធសាស្ត្ររបស់ខ្លួន។ ការដឹកជញ្ជូនបានចាប់ផ្តើមនៅថ្ងៃសុក្រ។

ក្រសួងថាមពលរំពឹងថា ក្រុមហ៊ុនដែលទទួលបានប្រេងពីថាមពលបម្រុងយុទ្ធសាស្ត្រនៅដំណាក់កាលដំបូងនឹងបំពេញបន្ថែមវាចំនួនសរុប ៥៥ លានបារ៉ែល។

នៅថ្ងៃទី ១២ ខែមីនា ក្រសួងថាមពលបានប្រកាសថា រដ្ឋបាលសហរដ្ឋអាមេរិកនឹងបញ្ចេញប្រេងសរុបចំនួន ១៧២ លានបារ៉ែលពីទុនបម្រុងជាតិយុទ្ធសាស្ត្រក្នុងរយៈពេល ១២០ ថ្ងៃ៕