ព័ត៌មានអន្ដរជាតិ

ក្រោមហេតុផល៤ អាមេរិកប្រើដើម្បីបំផ្លាញកម្មវិធីមីស៊ីលអ៊ីរ៉ង់

បានផុស

២ ខែ មុន

នៅ

ថ្ងៃអង្គារ ២៤ មីនា ២០២៦

ដោយ

អ្នកវិភាគឯករាជ្យលើកឡើងថា កម្មវិធីមីស៊ីលរបស់អ៊ីរ៉ង់ជាកម្មវិធីដ៏ធំ និងសម្បូរបែបបំផុតនៅមជ្ឈិមបូព៌ា។ វាត្រូវបានបង្កើតឡើងអស់ច្រើនទសវត្សរ៍មកហើយ មានទាំងមីស៊ីលផ្លោង និងមីស៊ីលបញ្ជាល្បឿនលឿន ត្រូវបានរចនាដើម្បីផ្តល់សមត្ថភាពឱ្យទីក្រុងតេហេរ៉ង់តាមអ្វីដែលខ្លួនចង់បាន ទោះបីជាប្រទេសនេះខ្វះកងទ័ពអាកាសទំនើបក៏ដោយ។

យ៉ាងណា លោក ដូណាល់ ត្រាំ បញ្ជាក់ថា ខ្លួនចង់បំផ្លាញកម្មវិធីមីស៊ីលរបស់អ៊ីរ៉ង់ ដើម្បីធានាថា អ៊ីរ៉ង់មិនអាចកំណត់គោលដៅលើសហរដ្ឋអាមេរិក អ៊ីស្រាអែល ឬសម្ព័ន្ធមិត្តអាមេរិកផ្សេងទៀត និងរារាំងរបបនេះពីការអភិវឌ្ឍអាវុធនុយក្លេអ៊ែរ ជាពិសេសផ្តល់មូលនិធិដល់ «ក្រុមសកម្មប្រយុទ្ធ» ដែលអាមេរិកចាត់ថ្នាក់ជា «ភេរវករ»។

ប្រធានាធិបតីអាមេរិក លោក ដូណាល់ ត្រាំ។ រូបភាព៖ Reuters

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាម BBC និង Al Jazeera ផ្សាយកាលពីដើមខែមីនា គឺមានហេតុផលចំនួន៤ ដែលប្រធានាធិបតីអាមេរិករូបនេះចង់បំផ្លាញកម្មវិធីមីស៊ីលរបស់អ៊ីរ៉ង់ ដោយសំអាងហេតុផលដូចខាងក្រោម៖

ទី១ ៖ ការគំរាមកំហែងសន្តិសុខជាតិ៖ លោក ត្រាំ អះអាងថា មីស៊ីលរយៈចម្ងាយឆ្ងាយរបស់អ៊ីរ៉ង់អាចនឹងហោះទៅដល់ទឹកដីអាមេរិកក្នុងពេលឆាប់ៗ។ ថែមទាំងគំរាមកំហែងដល់កងទ័ពអាមេរិកដែលឈរជើងនៅក្រៅប្រទេស មានទាំងសម្ព័ន្ធមិត្តនៅអឺរ៉ុប និងមជ្ឈិមបូព៌ា ដែលបង្កការគំរាមកំហែងដោយផ្ទាល់ដល់ផលប្រយោជន៍សន្តិសុខជាតិរបស់អាមេរិក។

ទី២ ៖ ការទប់ទល់នឹងឥទ្ធិពលក្នុងតំបន់៖ សហរដ្ឋអាមេរិកក៏បានព្យាយាមបញ្ឈប់អ៊ីរ៉ង់ពីការបន្តបំពាក់អាវុធ ផ្តល់មូលនិធិ និងដឹកនាំ កងទ័ពភេរវករ ក៏ដូចជាកងកម្លាំង Hezbollah និង Hamas ដែលធ្វើឱ្យតំបន់នេះអស្ថិរភាព។

ទី៣ ៖ ការការពារសម្ព័ន្ធមិត្ត៖ សកម្មភាពនេះត្រូវបានធ្វើឡើង ក្នុងគោលបំណងការពារសម្ព័ន្ធមិត្ត ជាពិសេសអ៊ីស្រាអែល ដែលចាត់ទុកអ៊ីរ៉ង់គំរាមកំហែងដល់អត្ថិភាព។

ទី៤ ៖ ការរុះរើកម្មវិធីនុយក្លេអ៊ែរ៖ លោក ត្រាំ ចាត់ទុកកម្មវិធីមីស៊ីលជាសមាសធាតុយុទ្ធសាស្ត្រនៃមហិច្ឆតានុយក្លេអ៊ែររបស់អ៊ីរ៉ង់។ លោកអំពាវនាវឱ្យរុះរើទាំងស្រុងនៃកម្មវិធីមីស៊ីលយុទ្ធសាស្ត្ររបស់អ៊ីរ៉ង់ ដើម្បីធានាថាពួកគេមិនទទួលបានអាវុធនុយក្លេអ៊ែរ៕

ប្រែសម្រួល៖ ណឺ មិនា