ព័ត៌មានអន្ដរជាតិ

ក្រោយបាញ់រះជាបន្តបន្ទាប់ លោក បៃដិន អំពាវនាវជាថ្មីឲ្យពិនិត្យច្បាប់គ្រប់គ្រងកាំភ្លើងតឹងរ៉ឹងជាងមុន

បានផុស

៣ years មុន

នៅ

ថ្ងៃព្រហស្បតិ៍ ២៧ ឧសភា ២០២១

ដោយ

ប្រធានាធិបតីអាមេរិក ចូ បៃដិន បានជំរុញឲ្យសភាអនុម័តវិធានការណ៍ ត្រួតពិនិត្យកាំភ្លើងយ៉ាងតឹងរ៉ឹង បន្ទាប់ពីការបាញ់ប្រហារដ៏ធំចុងក្រោយបង្អស់ នៅឯស្ថានីយ៍រថភ្លើងមួយកន្លែ ងក្នុងរដ្ឋកាលីហ្វញ៉ា កាលពីថ្ងៃពុធ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងសេចក្តីថ្លែងការណ៍មួយលោក បៃដិន បាននិយាយថា “ជាថ្មីម្តងទៀត ខ្ញុំជំរុញសភាឲ្យចាត់វិធានការជាបន្ទាន់ និងយកចិត្តទុកដាក់ ចំពោះការអំពាវនាវរបស់ប្រជាជនអាមេរិក រួមទាំងម្ចាស់កាំភ្លើង ដើម្បីជួយបញ្ចប់ការរីករាលដាល នៃអំពើហិង្សាដោយកាំភ្លើងនៅអាមេរិក” ។

មនុស្ស ៩ នាក់ត្រូវបានសម្លាប់ និងយ៉ាងហោចណាស់ម្នាក់ផ្សេងទៀត រងរបួសកាលពីព្រឹកថ្ងៃពុធ បន្ទាប់ពីការបាញ់ប្រហារមួយនៅឯទីធ្លារបស់អាជ្ញាធរដឹកជញ្ជូន Valley នៅភាគខាងជើងនៃទីក្រុង San Jose ក្នុងរដ្ឋ កាលីហ្វញ៉ា ។

ទន្ទឹមនោះ ការិយាល័យប៉ូលិសប្រចាំនៅទីក្រុង Santa Clara County បានបញ្ជាក់ថា មនុស្ស ៩ នាក់រួមទាំងខ្មាន់កាំភ្លើងបានស្លាប់ នៅកន្លែងកើតហេតុ ហើយមនុស្សម្នាក់ត្រូវបានបញ្ជូនទៅកាន់មន្ទីរពេទ្យ ដោយពុំមានព័ត៌មានលម្អិតអំពីស្ថានភាពរបស់ពួកគេឡើយ ។

មន្រ្តីអនុវត្តច្បាប់បានកំណត់អត្តសញ្ញាណខ្មាន់កាំភ្លើងនោះឈ្មោះ Sam Cassidy អាយុ ៥៧ ឆ្នាំជាបុគ្គលិកធ្វើការនៅអាជ្ញាធរដឹកជញ្ជូន Valley តាំងពីឆ្នាំ ២០១២ មកម្ល៉េះ ៕