ថៃ​ថា​ ប្រើ​ឈ្មោះ​ «វីរុស​បំប្លែង​ខ្លួន​ថៃ​ ឬ​ Thai variant» មិន​ត្រឹ​មត្រូវ​ទេ
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ថៃ​ថា​ ប្រើ​ឈ្មោះ​ «វីរុស​បំប្លែង​ខ្លួន​ថៃ​ ឬ​ Thai variant» មិន​ត្រឹ​មត្រូវ​ទេ

បានផុស

នៅ

អាជ្ញាធរ​ថៃ​បាន​សាក​សួរ​ពី​របាយការណ៍​មួយ​របស់​មន្ត្រី​សុខាភិបាល​អង់គ្លេស​ដែល​បាន​លើក​ឡើង​ថា វីរុស​កូវីដ-១៩​បំប្លែង​ខ្លួន​ថ្មី​មួយដែល​កំពុង​រាលដាល​នៅ​ចក្រភព​អង់គ្លេស​មាន​ប្រភព​ដើម​ចេញ​ពី​ប្រទេស​ថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សុខាភិបាល​សាធារណៈ​អង់គ្លេស (PHE), នាយកដ្ឋាន​សុខាភិបាល និង​ទី​ភ្នាក់ងារ​ថែទាំ​សង្គម​នៅ​ចក្រភព​អង់គ្លេសបាន​ធ្វើ​បច្ចុប្បន្ន​ភាព​របាយការណ៍​កូរូណា​មួយ​កាល​ពី​ថ្ងៃ​ព្រហស្បតិ៍​ដោយ​និយាយ​ថា មាន​ករណី​វីរុស​បំប្លែង​ខ្លួន​ថ្មី​លេខ​កូដ C.36.3 ចំនួន​១០៩​ករណី​រក​ឃើញ​នៅ​អង់គ្លេស។

របាយការណ៍​របស់ PHE បាន​និយាយ​ថា ៖«វីរុស​បំប្លែង​ខ្លួន C.36.3 ត្រូវ​បាន​រក​ឃើញ​ដំបូង​នៅ​ប្រទេស​ថៃ​ នៅ​ក្នុង​ករណី​ដែល​អ្នក​ធ្វើ​ដំណើរ​មក​ពី​ប្រទេស​អេហ្ស៊ីប»។

យ៉ាង​ណា PHE មិន​បាន​បង្ហាញ​ឈ្មោះ​វីរុស​បំប្លែង​ខ្លួន​ថ្មី​នេះ​ទេ ប៉ុន្តែ​សារព័ត៌មាន​ចក្រភព​អង់គ្លេស​​បាន​ដាក់​ឈ្មោះ​ថា «វីរុស​បំប្លែង​ខ្លួន​ថៃ​ ឬ Thai variant។ អាជ្ញាធរ​ថៃ​បាន​ជំទាស់​ភ្លាម​ៗ​ដោយ​លើក​ឡើង​ថា ប្រើ​ឈ្មោះ​ខុស។

ទី​ប្រឹក្សា​មជ្ឈមណ្ឌល​គ្រប់​គ្រង​ស្ថានភាព​កូវីដ-១៩ (CCSA) លោក​វេជ្ជបណ្ឌិត Udom Kachindhorn បាន​និយាយ​ថា វីរុស​បំប្លែង​ខ្លួន​ថ្មី​នេះ​រក​មិន​ឃើញ​មាន​ករណី​​ឆ្លង​ណា​មួយ​នៅ​ក្នុង​ស្រុក​ ប្រទេស​ថៃ​ឡើយ។

លោក​ថា អាជ្ញាធរ​អង់គ្លេស​គួរ​ប្រាប់​មន្ត្រី​ថៃ ដូច្នេះ​ពួក​គេ​អាច​ធ្វើ​ការ​ស៊ើប​អង្កេត មុន​ពេល​ផ្សព្វផ្សាយ​ព័ត៌មាន​បែប​នេះ។ ចក្រភព​អង់គ្លេស​មិន​បាន​ផ្ញើ​សំណាក​នៃ​វីរុស​បំប្លែង​ខ្លួន​ថ្មី​នេះ​មក​អាជ្ញាធរ​ថៃ ហើយ​វា​គួរ​ត្រូវ​បាន​​ផ្ទៀង​ផ្ទាល់​ដោយ​មន្ទីរ​ពិសោធ​ច្រើន​ជាង​មួយកន្លែង។

សេចក្តី​លំអិត​​មិន​ទាន់​ច្បាស់​ឡើយ ខណៈ PHE នៅ​តែ​កំពុង​ធ្វើ​ការ​ស៊ើប​អង្កេត​ជុំ​វិញ​ករណី​នេះ និងកំពុង​ធ្វើ​ពិសោធ​នូវ​វីរុស​បំប្លែង​ខ្លួន​ថ្មី​នេះ​ក្នុង​ចំណោមករណី​ជា​ច្រើន​។

របាយការណ៍​បានបង្ហាញ​ថា ៖«រហូត​ដល់​ពេល​នេះ​ មិន​មាន​ភស្តុតាង​ណា​ដែល​បញ្ជាក់​ថា វីរុស​បំប្លែង​ខ្លួន​ថ្មី​​នេះ​បណ្តាល​ឲ្យ​មាន​អាការ​ឈឺ​ធ្ងន់ ឬ​​វ៉ាក់សាំង​គ្មាន​ប្រសិទ្ធភាព​លើ​វា»៕

ប្រែ​សម្រួល៖ វីរបុត្រ
ប្រភព៖ bangkokpost

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៧ នាទី មុន

កាកបាទក្រហមកម្ពុជា​ខេត្ត​កំពត នាំយក​អំណោយជូន​ប្រជាពលរដ្ឋ​ដែល​ងាយ​រងគ្រោះ​ដោយសារ​កូ​វីដ

ព័ត៌មានជាតិ២៣ នាទី មុន

តុលាការ​កំពូល​នឹង​កាត់ទោស​លោក​ឡាយ វណ្ណៈ នៅ​ព្រឹកស្អែក​នេះ

នយោបាយ៥១ នាទី មុន

លោក កឹម សុខា​ ៖ ក្នុង​រដូវ​កាន់បិណ្ឌ​ឆ្នាំនេះ ជំងឺ​កូ​វីដ​-១៩​នៅតែ​រីក​រាលដាល​គួរ​ឲ្យ​ព្រួយបារម្ភ​

ព័ត៌មានជាតិ៥៧ នាទី មុន

រដ្ឋបាល​ក្រុង ចុះ​យក​សំណាក​ព្រះសង្ឃ ១២ វត្ត ក្នុងចំណោម ៣៣ វត្ត នៃ​ក្រុង​បាត់ដំបង មាន​វិជ្ជមាន ៦ អង្គ​នាក់

ព័ត៌មានជាតិ៣ ម៉ោង មុន

ផ្សារ​ចិន​ខ្មៅ​អា​ជីក​រដឹក​មកពី​បណ្តា​ខេត្ត​ដាក់​លក់​នៅពេល​យប់​នៅសល់​ស្អុយរលួយ​យក​មក​លក់​នៅ​ផ្សារ​ហ៊ុយ​ឡេង​ម្ចាស់​ផ្សារ​មិន​ឲ្យ​លក់​ផ្ទុះ​ការតវ៉ា

Sokha Hotels

ព័ត៌មានពេញនិយម

Helistar Cambodia - Helicopter Charter Services