រយៈពេល ៣ ខែ ទើបនាយករដ្ឋមន្ត្រីអង់គ្លេស Boris Johnson ទទួលការចាក់វ៉ាក់សាំងដូសទី ២

នាយករដ្ឋមន្រ្តីអង់គ្លេស លោក Boris Johnson បានទទួលការចាក់វ៉ាក់សាំង AstraZeneca ដូសទី ២ រួចហើយនៅឯវិទ្យាស្ថាន Francis Crick នៅកណ្តាលទីក្រុងឡុងដ៍ កាលពីល្ងាចថ្ងៃព្រហស្បតិ៍ ។

លោក Johnson បានបង្ហោះរូបថតមួយសន្លឹក នៅលើបណ្តាញសង្គម ដែលបង្ហាញពីការចាក់វ៉ាក់សាំងរបស់លោក រួមជាមួយនឹងការសរសេរថា “ការចាក់ដូសទី ២ គឺរួចរាល់ ។ ដល់វេនរបស់អ្នកចាក់ម្ដងហើយ” ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គួររំឭកថា លោក Johnson បានទទួលការចាក់ដូសដំបូង នៅមន្ទីរពេទ្យ St. Thomas ក្នុងខែមីនា ។

យោងតាមរដ្ឋមន្រ្តីវ៉ាក់សាំងលោក Nadhim Zahawi បានឲ្យដឹងថា យ៉ាងហោចណាស់ពាក់កណ្តាល នៃចំនួនប្រជាជនពេញវ័យ របស់ចក្រភពអង់គ្លេស បានទទួលការចាក់វ៉ាក់សាំងការពារជំងឺកូវីដ ១៩ ពេញ ២ ដូស ។

លោក Zahawi បានសរសេរនៅលើបណ្ដាញសង្គមថា វ៉ាក់សាំងដូសទី ២ ចំនួន ២៦,៤២២,៣០៣ ពោលស្មើនឹង ៥០.២ ភាគរយនៃចំនួនប្រជាជនពេញវ័យ នៅចក្រភពអង់គ្លេសត្រូវបានចាក់ ចាប់តាំងពីយុទ្ធនាការចាក់វ៉ាក់សាំង បានចាប់ផ្តើមនៅខែធ្នូ ឆ្នាំ ២០២០ ។

គួរបញ្ជាក់ថា គិតត្រឹមពេលនេះ ចក្រភពអង់គ្លេស មានករណីឆ្លងជំងឺកូវីដ ១៩ ជិត ៤.៥ លានករណី និងមានអ្នកស្លាប់ ១២៧,៨១២ នាក់ ខណៈមានជាសះស្បើយជាង ៤ លាននាក់ ៕

ប្រែសម្រួលដោយ ៖ ជីវ័ន្ត

ប្រភព ៖ CGTN

ចុចអាន ៖ អង់គ្លេស​ដក​ព័រទុយហ្គាល់​ពី​បញ្ជី​បៃ​តង ធ្វើ​ឲ្យ​ពលរដ្ឋ​ខ្លួន​ដើរ​លេង​នៅ​ព័រទុយហ្គាល់​វេទនា

ចុចអាន ៖ អង់គ្លេស​អនុម័ត​ប្រើ​វ៉ាក់​សាំង ​Johnson​ &​ Johnson​ ដែល​ចាក់​តែ​១​ដូស​ប៉ុណ្ណោះ​