រថភ្លើងបុកគ្នានៅប៉ាគីស្ថានម្សិលមិញ អ្នកស្លាប់កើនដល់ជាង៦០នាក់

ក្រុមមន្រ្តីផ្លូវដែកប៉ាគីស្ថានបាននិយាយថា មនុស្សយ៉ាងតិច៦៣នាក់ បានស្លាប់នៅក្នុងហេតុការណ៍រថភ្លើងបុកគ្នា កាលពីថ្ងៃចន្ទនៅក្នុងតំបន់ដាច់ស្រយាលមួយនៃខេត្ត Sindh។

ទីភ្នាក់ងារសារព័ត៌មាន AFP បានរាយការណ៍នៅថ្ងៃអង្គារនេះថា ក្រុមមន្រ្តីបានចេញបញ្ជីជនរងគ្រោះ ដោយអ្នកខ្លះមិនទាន់ត្រូវបានគេស្គាល់អត្តសញ្ញាណ ចំណែកអ្នកខ្លះទៀតនិយាយថា ចំនួនអ្នកស្លាប់អាចកើនឡើងថែមទៀត។

អ្នកស្លាប់ មានចាប់ពីទារកអាយុមួយខែ ដល់ស្ត្រីអាយុ៨១ឆ្នាំ។

លោក Usman Abdullah ស្នងការរងស្រុក Ghotki បាននិយាយនៅថ្ងៃអង្គារនេះថា “យើងខ្លាចមនុស្សកាន់តែច្រើន អាចនឹងស្លាប់”។

មនុស្សជាង១០០នាក់ ក៏បានរងរបួសផងដែរ នៅក្នុងហេតុការណ៍បុកគ្នានេះ ដែលបានកើតឡើងកាលពីព្រឹកថ្ងៃចន្ទនៅជិតទីប្រជុំជន Dharki ក្នុងស្រុក Ghotki ដែលមានចម្ងាយប្រហែល៤៤០គីឡូម៉ែត្រ ភាគខាងជើងនៃទីក្រុងការ៉ាជី ប្រទេសប៉ាគីស្ថាន៕

ប្រែសម្រួល៖ Vann Vann

ប្រភព៖ Al Jazeera

ចុចអាន៖ រន្ធត់! រថភ្លើង ២ គ្រឿងបុកគ្នានៅ ប៉ាគីស្ថាន ស្លាប់ និងរបួសមនុស្សជាង ១០០ នាក់