Connect with us

ព័ត៌មានអន្ដរជាតិ

ហួសចិត្ត! សត្វខ្លាឃ្មុំមួយក្បាលត្រូវយន្តហោះបុកស្លាប់

បានផុស

នៅ

សត្វខ្លាឃ្មុំមួយក្បាលបានស្លាប់បន្ទាប់ពីត្រូវយន្តហោះបុកក្នុងរដ្ឋ Alaska។

ជើងហោះហើររបស់ក្រុមហ៊ុន Alaska Airlines កំពុងប៉ុនប៉ងចុះចតនៅឯអាកាសយានដ្ឋាន Yakutat កាលពីល្ងាចថ្ងៃសៅរ៍ទី១៤ខែវិច្ឆិកានៅពេលវាបានបុកសត្វខ្លាឃ្មុំពណ៌ត្នោតមួយក្បាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមក្រុមមន្រ្តីបានឲ្យដឹងថា សត្វខ្លាឃ្មុំបានស្លាប់បន្ទាប់ពីហេតុការណ៍នេះប៉ុន្តែកូនរបស់វាត្រូវបានគេនិយាយថា មិនមានគ្រោះថ្នាក់អ្វីទេ។

ក្រុមការងារត្រូវបានគេរាយការណ៍ថា បានសម្អាតផ្លូវយន្តហោះភ្លាមៗមុនពេលយន្ដហោះចុះចតខណៈនីតិវិធីទាំងអស់ត្រូវបានអនុវត្តយ៉ាងត្រឹមត្រូវ។

អ្នកនាំពាក្យមន្ទីរដឹកជញ្ជូនសាធារណៈរដ្ឋ Alaska លោក Sam Dapcevich បាននិយាយថា មិនមានសត្វព្រៃណាមួយត្រូវបានគេឃើញនៅក្បែរផ្លូវយន្តហោះមុនពេលចុះចតនោះទេ។

អាកាសយានិកឃើញតែសត្វខ្លាឃ្មុំពីរក្បាលប៉ុណ្ណោះដែលកំពុងព្យាយាមឆ្លងកាត់ផ្លូវរត់ខណៈដែលយន្តហោះបានបន្ថយល្បឿនបន្ទាប់ពីចុះចត។

នៅក្នុងសេចក្តីថ្លែងការណ៍មួយ ក្រុមហ៊ុន Alaska Airlines បាននិយាយថា “មុខយន្តហោះមិនបានបុកខ្លាឃ្មុំទេប៉ុន្តែកាពីទែនមានអារម្មណ៍ថាហាក់ដូចជាប៉ះនៅផ្នែកខាងឆ្វេងបន្ទាប់ពីសត្វខ្លាឃ្មុំបានឆ្លងកាត់ក្រោមយន្តហោះ”។

យោងតាមរបាយការណ៍បានឲ្យដឹងថា វាមិនច្បាស់ទេថាតើមានមនុស្សប៉ុន្មាននាក់ស្ថិតនៅក្នុងយន្តហោះនៅពេលឧប្បត្តិហេតុកើតឡើងប៉ុន្តែសាក្សីម្នាក់បាននិយាយថា គ្មាននរណាម្នាក់រងរបួសទេ។

ទោះបីជាយ៉ាងណាក៏ដោយ ម៉ាស៊ីនខាងឆ្វេងរបស់យន្តហោះត្រូវខូចខាតដោយសារការបុកនេះ។

គួរបញ្ជាក់ថា នេះមិនមែនជាលើកទី១ទេដែលសត្វព្រៃជាប់ពាក់ព័ន្ធនឹងគ្រោះថ្នាក់ជាមួយយន្តហោះ។

កាលពីឆ្នាំមុន អ្នកបើកយន្តហោះម្នាក់នៅប្រទេសរុស្ស៊ីត្រូវបង្ខំចិត្តចុះចតជាបន្ទាន់បន្ទាប់ពីមានហ្វូងសត្វបក្សីជាប់ក្នុងម៉ាស៊ីនពេលហោះហើរបានពាក់កណ្តាលផ្លូវ៕

ប្រែសម្រួលដោយ៖ Vann Vann

ប្រភព៖ Lad Bible

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

បច្ចេកវិទ្យា១២ ម៉ោង មុន

សែលកាត មានវត្តមានក្នុងការបង្ហាញពីសមត្ថភាពលើផ្នែកឌីជីថលរបស់ខ្លួន ក្នុងទិវាជាតិ វិទ្យាសាស្រ្ត បចេ្ចកវិទ្យា និងនវានុវត្តន៍ (STI) លើកទី២

ព័ត៌មានជាតិ១២ ម៉ោង មុន

សម្តេច ម៉ែន សំអន៖ កត្តាសន្តិភាពបាននាំមកនូវការរីកចម្រើនទាំងវិស័យពុទ្ធចក្រ និងអាណាចក្រ

ព័ត៌មានជាតិ១៣ ម៉ោង មុន

ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេស​ឡាវ

សេដ្ឋកិច្ច១៣ ម៉ោង មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

ព័ត៌មានជាតិ១៤ ម៉ោង មុន

ឯកឧត្តម ហ៊ុន ម៉ានី អញ្ជើញប្រគល់ផ្ទះជាអំណោយរបស់សម្ដេចតេជោ និងសម្តេចកិត្តិព្រឹទ្ធបណ្ឌិត ជូនក្រុមគ្រួសារយុវជន អន ផានិត

Sokha Hotels

ព័ត៌មានពេញនិយម