បាត់មុខមួយរយៈ គីម ជុងអ៊ុន ស្រាប់តែស្រកទម្ងន់ខ្លាំង មានហេតុផល២យ៉ាង នៅក្រោយរឿងនេះ

ការស្រកទម្ងន់របស់លោក គីម ជុងអ៊ុន​ បានបង្កឲ្យមានក្តីព្រួយបារម្ភអំពីសុខភាពរបស់លោក បន្ទាប់ពីមេដឹកនាំកូរ៉េខាងជើងរូបនេះ ធ្វើការបង្ហាញខ្លួនដ៏កម្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកមិនត្រូវបានគេឃើញជាសាធារណៈអស់រយៈពេលមួយខែមកហើយ មុនពេលបង្ហាញខ្លួននៅឯកិច្ចប្រជុំនយោបាយមួយកាលពីថ្ងៃសៅរ៍ ដែលមើលទៅដូចជាស្រកសាច់ច្រើន។

គេហទំព័រកូរ៉េខាងជើង NK News បានចុះផ្សាយរូបភាពធំ ៗ ដែលបង្ហាញថា លោក គីម ក្នុងវ័យ ៣៧ ឆ្នាំ បានរឹតបន្តឹងខ្សែនាឡិកាដែលគាត់ចូលចិត្តពាក់។

យ៉ាងណាក្តី មានការអះអាង ការស្រកទម្ងន់របស់លោក គីម គឺដោយសារបញ្ហាសុខភាពឬដោយសារតែការព្យាយាមសម្រកទម្ងន់ ដោយខ្លួនឯង។

រូបភាពរបស់លោក គីម ត្រូវបានចេញផ្សាយដោយប្រព័ន្ធផ្សព្វផ្សាយរដ្ឋ។ រូបភាពទាំងនោះបង្ហាញថា កដៃឆ្វេងរបស់គាត់គឺតូចជាង រូបភាពស្រដៀងគ្នា ដែលបានថតក្នុងខែវិច្ឆិកាឆ្នាំ ២០២០ និងខែមិនាឆ្នាំនេះ។

លោក គីម គឺជាអ្នកជក់បារីខ្លាំងដូចជាឪពុករបស់ខ្លួនគឺលោក គីម ជុងអ៊ីល ដែលបានស្លាប់ដោយសារគាំងបេះដូងកាលពីខែធ្នូឆ្នាំ២០១១។

ទោះបីជាយ៉ាងណាក៏ដោយ អ្នកវិភាគម្នាក់បានប្រាប់ NK News ថា លោក គីម ប្រហែលជា សម្រេចចិត្តសម្រកទម្ងន់ ដើម្បីធ្វើឲ្យខ្លួនឯងមានជំហរកាន់តែរឹងមាំ ក្នុងការដឹកនាំប្រទេស៕

ប្រែសម្រួល៖ Vann Vann

ប្រភព៖ Daily Star

ចុចអាន៖ យូរបំផុតនៅឆ្នាំនេះ លោក គីម ជុងអ៊ុន បាត់មុខពីភ្នែកសាធារណជន ជិតមួយខែហើយ