Connect with us

ព័ត៌មានអន្ដរជាតិ

យូរបំផុតនៅឆ្នាំនេះ លោក គីម ជុងអ៊ុន បាត់មុខពីភ្នែកសាធារណជន ជិតមួយខែហើយ

បានផុស

នៅ

អ្នកនាំពាក្យក្រសួងបង្រួបបង្រួមជាតិ កូរ៉េខាងត្បូងលោក Lee Jong-joo បាននិយាយកាលពីថ្ងៃចន្ទថា មេដឹកនាំកូរ៉េខាងជើងលោក គីម ជុងអ៊ុន មិនបានបង្ហាញខ្លួនជាសាធារណៈ អស់រយៈពេល ២៤ ថ្ងៃហើយ ហើយនេះជាការអវត្តមាន យូរបំផុតរបស់លោកនៅឆ្នាំនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមទីក្រុងសេអ៊ូល បានឲ្យដឹងថា មេដឹកនាំកូរ៉េខាងជើងត្រូវបានគេឃើញ ជាសាធារណៈលើកចុងក្រោយ នៅថ្ងៃទី ៦ ឧសភា នៅពេលដែលគាត់បានធ្វើពិធីថតរូប ជាមួយសមាជិកនៃក្រុមគ្រួសារយោធា បន្ទាប់ពីការសម្តែងសិល្បៈ ។

លោក Lee បាននិយាយនៅក្នុងសន្និសីទខ្លីមួយ នៅពេលសួរអំពីអវត្តមានរបស់លោក គីម ជុងអ៊ុន ថា “មិនមានរបាយការណ៍ អំពីសកម្មភាពសាធារណៈ របស់មេដឹកនាំ គីម ជុងអ៊ុន ឡើយក្នុងរយៈពេល ២៤ ថ្ងៃ ចាប់តាំងពីថ្ងៃទី ៦ ខែឧសភា មក ។ នេះគឺជារយៈពេលវែងបំផុត ដែលមិនមានសកម្មភាពសាធារណៈនៅឆ្នាំនេះទេ” ។

ទោះយ៉ាងណា មន្ត្រីរូបនេះបានបដិសេធមិនធ្វើអត្ថាធិប្បាយ លើហេតុផលដែលអាចកើតមាន ចំពោះអវត្តមានរបស់លោក គីម ឡើយ ។

ទន្ទឹមនោះ ប្រព័ន្ធផ្សព្វផ្សាយក៏បានរាយការណ៍ ម្តងហើយម្តងទៀតផងដែរ អំពីរយៈពេលដែលមេដឹកនាំកូរ៉េខាងជើង អវត្តមានពីភ្នែកសាធារណជន ។ ជាពិសេសអវត្តមានលើកចុងក្រោយ រយៈពេល ២០ ថ្ងៃរបស់គាត់ កាលពីរដូវផ្ការីក បានធ្វើឲ្យមានការសង្ស័យទូទាំងពិភពលោក ចំពោះសុខភាពរបស់គាត់ ខណៈប្រព័ន្ធផ្សព្វផ្សាយ បានចោទប្រកាន់ថា គាត់បានធ្វើការវះកាត់បេះដូង ។ បន្ទាប់ពីនោះ គាត់មិនបានបង្ហាញខ្លួន ជាសាធារណៈនោះទេ ចាប់ពីថ្ងៃទី ២២ ខែតុលា ដល់ថ្ងៃទី ១៦ ខែវិច្ឆិកា ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ កូរ៉េខាងជើង បញ្ជាសម្លាប់សត្វឆ្មា និងព្រាប តាមតំបន់ព្រំដែនដើម្បីការពារកុំឲ្យផ្ទុះឆ្លងកូវីដ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ១៩ ម៉ោង មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានអន្ដរជាតិ៦ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

កីឡា៦ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ៥ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

Sokha Hotels

ព័ត៌មានពេញនិយម