ចិន ត្រៀមបាញ់បង្ហោះយានអវកាសដឹកមនុស្សលើកដំបូងទៅទីអវកាស ចាប់តាំងពីឆ្នាំ ២០១៦

យានអវកាសចិនមួយគ្រឿង នឹងបាញ់ចេញពីវាលខ្សាច់ Gobi Desert នៅលើគ្រាបរ៉ុកកែត Long March នៅប៉ុន្មានថ្ងៃខាងមុខនេះ ដោយដឹកបុរស ៣ នាក់ទៅកាន់ទីអវកាស សម្រាប់ការស្នាក់នៅរយៈពេល ៣ ខែ ហើយវាជាលើកដំបូងដែលប្រទេសចិន បានបញ្ជូនមនុស្សទៅក្នុងទីអវកាស រយៈពេលជិត ៥ ឆ្នាំ ។

យាន Shenzhou-12 ដែលមានន័យថា “នាវាចម្បាំងអាទិទេព” នឹងក្លាយជាបេសកកម្មទី ៣ នៃបេសកកម្មចំនួន ១១ ទៅដល់ស្ថានីយ៍អវកាសរបស់ប្រទេសចិន នៅឆ្នាំ ២០២២ ។

ទន្ទឹមនោះ ការបាញ់បង្ហោះយាន Shenzhou-12 នេះ ក៏ជាកាដូរដល់ខួប ១០០ ឆ្នាំ នៃការបង្កើតបក្សកុម្មុយនិស្តចិន ផងដែរ ។

ចិន ដែលមានបំណងក្លាយជាមហាអំណាចអវកាសដ៏ធំមួយ នៅឆ្នាំ ២០៣០ ក្នុងខែឧសភាបានក្លាយជាប្រទេសទី ២ ដែលដាក់យាននៅលើភពព្រះអង្គារ ពោលរយៈពេល ២ ឆ្នាំ បន្ទាប់ពីបានចុះចតយានអវកាសដំបូង នៅចម្ងាយឆ្ងាយនៃភពព្រះច័ន្ទ ខណៈប្រទេសមួយនេះ ក៏មានគម្រោងដាក់អវកាសយានិក នៅលើភពព្រះច័ន្ទ ផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ Al Jazeera

ចុចអាន ៖ ទស្សនាបណ្ដុំរូបភាពស្អាតៗ ពិធីបុណ្យអុំទូកនាគ ដែលកំពុងប្រារព្ធនៅទូទាំងប្រទេស ចិន

ចុចអាន ៖ ក្រុងប៉េកាំង ប្រាប់ អាមេរិក ឈប់ស្រមើស្រមៃទុក ចិន ជា “សត្រូវ” ក្រោយអនុម័តច្បាប់ប្រកួតប្រជែងជាមួយបច្ចេកវិទ្យាចិន