ព័ត៌មានអន្ដរជាតិ
ប្អូនស្រី គីម ជុងអ៊ុន ៖ អាមេរិក គិតខុសហើយដែលថា កូរ៉េខាងជើង នឹងវិលត្រឡប់ទៅរកកិច្ចចរចាវិញ
ប្អូនស្រីរបស់លោក គីម ជុងអ៊ុន បាននិយាយថា សហរដ្ឋអាមេរិកគិតខុសហើយដែលថា កូរ៉េខាងជើងអាចនឹងបើកការវិលត្រឡប់ទៅរកកិច្ចចរចាវិញ ។
ការនិយាយបែបនេះធ្វើឡើង នៅក្នុងសេចក្តីអត្ថាធិប្បាយដែលបានកើតឡើងភ្លាមៗ បន្ទាប់ពីប្រេសិតរបស់ប្រធានាធិបតី ចូ បៃដិន បាននិយាយថា សហរដ្ឋអាមេរិកបានត្រៀមខ្លួនរួចជាស្រេច សម្រាប់ការសន្ទនា “គ្រប់ទីកន្លែង គ្រប់ពេលវេលា” ជាមួយក្រុងព្យុងយ៉ាង ។
ទីភ្នាក់ងារព័ត៌មានផ្លូវការរបស់កូរ៉េខាងកណ្តាល (KCNA) បានចេញសេចក្តីថ្លែងការណ៍មួយពីលោកស្រី គីម យ៉ូជុង នៅថ្ងៃអង្គារនេះ ពោលប្រហែល ២ ម៉ោង មុនពេលលោក Sung Kim តំណាងពិសេសរបស់សហរដ្ឋអាមេរិកសម្រាប់កូរ៉េខាងជើង គ្រោងនឹងជួបជាមួយប្រធានាធិបតីកូរ៉េខាងត្បូងលោក Moon Jae-in នៅទីក្រុងសេអ៊ូល ដើម្បីជជែកអំពីការធ្វើឲ្យប្រសើរឡើងវិញ នូវការចរចាររំសាយអាវុធអសកម្មជាមួយកូរ៉េខាងជើង ។
ដោយដកស្រង់សម្ដីពីលោកស្រី គីម យ៉ូជុង ទីភ្នាក់ងារព័ត៌មាន KCNA បានរាយការណ៍ថា “វាហាក់ដូចជា សហរដ្ឋអាមេរិកប្រហែលបកស្រាយស្ថានការណ៍នេះ ដើម្បីជាការលួងលោមខ្លួនឯងប៉ុណ្ណោះ ។ សេចក្តីរំពឹងទុកដែលពួកគេបានជ្រើសរើសយកនេះ នឹងធ្វើឲ្យពួកគេខកចិត្តកាន់តែខ្លាំង” ។
លោកស្រី គីម យ៉ូជុង សមាជិកនៃក្រុមគ្រួសារកំពុងកាន់អំណាចរបស់ប្រទេស ដែលបានក្លាយជាមនុស្សលេចធ្លោម្នាក់ នៅក្នុងយុទ្ធនាការដាក់សម្ពាធរបស់ខ្លួនប្រឆាំងនឹងសហរដ្ឋអាមេរិក និងកូរ៉េខាងត្បូង បាននិយាយថា លោកស្រីកំពុងសំដៅទៅលើការអត្ថាធិប្បាយ ដែលធ្វើឡើងដោយទីប្រឹក្សាសន្តិសុខជាតិអាមេរិក បន្ទាប់ពីបង្ហាញសញ្ញាគួរឲ្យចាប់អារម្មណ៍ ចេញពីការប្រជុំគណបក្សកាន់អំណាចដ៏ធំមួយ កាលពីសប្តាហ៍មុន ។
នៅក្នុងកិច្ចប្រជុំពេញអង្គ នៃគណៈកម្មាធិការកណ្តាល របស់គណបក្សពលករកំពុងកាន់អំណាចរបស់មេដឹកនាំកូរ៉េខាងជើង លោក គីម ជុងអ៊ុន បាននិយាយថា ប្រទេសរបស់លោកចាំបាច់ត្រូវត្រៀម “ទាំងកិច្ចពិភាក្សា និងការប្រឈមមុខដាក់គ្នា” ជាមួយសហរដ្ឋអាមេរិក ក្រោមការដឹកនាំរបស់លោកប្រធានាធិបតី ចូ បៃដិន ៕
ប្រែសម្រួលដោយ ៖ ជីវ័ន្ត
ប្រភព ៖ Bloomberg
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ