ទីបំផុត! កាត់ទោសអតីតប៉ូលិសអាមេរិកដែលយកជង្គង់សង្កត់ ក បុរសស្បែកខ្មៅ ឲ្យជាប់ពន្ធនាគារ ២២ ឆ្នាំ ៥ ខែ

ចៅក្រមនៅរដ្ឋ មីនីសូតា សហរដ្ឋអាមេរិក បានសម្រេចផ្ដន្ទាទោសលោក Derek Chauvin អតីតប៉ូលិសស្បែកស ឲ្យជាប់ពន្ធនាគារ ២២ ឆ្នាំ ៥ ខែ ក្នុងករណីឃាតកម្មលើលោក George Floyd ជា បុរសស្បែកខ្មៅកាលពី ឧសភា ឆ្នាំ ២០២០ ។

ដំបូងឡើយការកាត់ទោសនោះ ត្រឹមតែរយៈពេល ១២ ឆ្នាំ ៥ ខែ ប៉ុណ្ណោះ ប៉ុន្តែចៅក្រម លោក Peter Cahill បានបន្ថែមរយៈពេល ១០ ឆ្នាំទៀត ដោយរូបលោកបាននិយាយថា Chauvin បាន រំលោភលើតួនាទីនៃសេចក្ដីទុកចិត្ត និងសិទ្ធិអំណាចរបស់លោក ហើយបានបង្ហាញភាពសាហាវឃោរឃៅជាពិសេស ។

សូមរំលឹកថា ករណីសម្លាប់បុរសជនជាតិស្បែកខ្មៅ George Floyd គឺបានកើតឡើងនៅខែ ឧសភា ឆ្នាំ ២០២០ ដោយអតីតប៉ូលិស លោក Chauvin ដែលបានយកជង្គង់សង្កត់ ក របស់លោក Floyd រយៈពេលជាង ៩ នាទី ទាំងដែរ Floyd ជាប់ខ្នោះនឹងដៃ ហើយនិយាយថា លោកមិនអាចដកដង្ហើមបានទេ ។

មរណភាព របស់ Floyd នេះហើយ បានបង្កឲ្យមានការតវ៉ានៅទូទាំងប្រទេសនិងជុំវិញពិភពលោក កាលពីខែ មេសា ហើយគណៈវិនិច្ឆ័យបានកាត់ទោស Chauvin ដោយចោទប្រកាន់ចំនួន ៣ ករណី ពីបទឃាតកម្មនិងមនុស្សឃាត៕

ប្រែសម្រួលដោយ៖ ជីវ័ន្ត

ប្រភព៖NHK