វីរុសបំប្លែងខ្លួនថ្មីមួយទៀតសាហាវជាង Delta ត្រូវបានរកឃើញក្នុងប្រទេសជាង ៣០ហើយ

ក្រសួងសុខាភិបាលម៉ាឡេស៊ីបានប្រកាសថា វីរុសកូវីដ-១៩បំប្លែងខ្លួនប្រភេទថ្មី ដែលមានគ្រោះថ្នាក់ជាងវីរុស Delta ទៅទៀតនោះ ត្រូវបានគេរកឃើញនៅប្រទេសជាង ៣០ ហើយ ក្នុងរយៈពេល ៤ សប្តាហ៍កន្លងមកនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុង Twitter កាលពីថ្ងៃចន្ទទី៥ខែកក្កដា ក្រសួងបានសរសេរថា “វីរុសបំប្លែងខ្លួន Lambda ត្រូវបានគេរាយការណ៍ថា មានដើមកំណើតមកពីប្រទេសប៉េរូ ដែលជាប្រទេសមានអត្រាមរណភាពខ្ពស់បំផុតនៅក្នុងពិភពលោក”។

ក្រសួងសុខាភិបាលម៉ាឡេស៊ីក៏បានភ្ជាប់ទៅនឹងរបាយការណ៍ពីគេហទំព័រព័ត៌មានអូស្ត្រាលី news.com.au ផងដែរ ដែលនិយាយថា វីរុសបំប្លែងខ្លួន Lambda ត្រូវបានរកឃើញនៅក្នុងចក្រភពអង់គ្លេស។

គេហទំព័រនេះបានរាយការណ៍ថា គិតមកទល់ពេលនេះ មានករណីនៃវីរុស Lambda ចំនួន ៦ ករណីហើយ ត្រូវបានគេរកឃើញនៅចក្រភពអង់គ្លេស។

ទោះបីជាយ៉ាងណាក៏ដោយ ក្រុមអ្នកវិទ្យាសាស្រ្តមិនទាន់បញ្ចេញព័ត៌មានលម្អិត អំពីវីរុសបំប្លែងខ្លួនថ្មីនេះនៅឡើយទេ៕

ប្រែសម្រួល៖ Vann Vann

ប្រភព៖ The Star

ចុចអាន៖ ទោះចាក់វ៉ាក់សាំងហើយ តែករណីឆ្លងកូវីដនៅអង់គ្លេស កើនឡើងដល់ ១៦១ភាគរយ