ព័ត៌មានអន្ដរជាតិ

រង់ចាំទាំងឈឺចាប់ជាង ៧០ ឆ្នាំ លោកយាយអាមេរិកជនជាតិស្បែកខ្មៅ សម្រេចបំណងស្លៀករ៉ូបរៀបការ

បានផុស

៥ years មុន

នៅ

ថ្ងៃពុធ ១៤ កក្កដា ២០២១

ដោយ

រឿងរ៉ាវរបស់លោកយាយ Martha Mae Ophelia Moon Tucker ជាជនជាតិស្បែកខ្មៅ ត្រូវបានលាតត្រដាង និងមានការសាទរពីមនុស្សជាច្រើន។ ដោយសារលោកយាយបានសម្រេចបំណង ដែលគាត់ប៉ងអស់រយៈពេលជាង៧០ ឆ្នាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកយាយវ័យ ៩៤ ឆ្នាំរូបនេះ មានក្ដីសុបិនចង់ស្លៀករ៉ូបអាពាហ៍ពិពាហ៍អស់ពេលជាង ៧០ ឆ្នាំ បន្ទាប់ពីរូបគាត់ឃើញឈុតសំលៀកបំពាក់កូនក្រមុំដ៏ស្រស់ស្អាត នៅក្នុងខ្សែភាពយន្តមួយដែលបានបញ្ចាំងនៅអាមេរិក។

លោកយាយ Martha មានប្រសាសន៍ថា ” នៅពេលខ្ញុំរៀបការជាមួយប្ដីខ្ញុំនៅឆ្នាំ ១៩៥២ សម័យនោះ ពណ៌សម្បុរនៃស្បែកជនជាតិ គឺត្រូវបានបែងចែកយ៉ាងច្បាស់លាស់ ។ ជាពិសេសគឺការរើសអើងពូជសាសន៍ ធ្វើឲ្យខ្ញុំឈឺចាប់ និងចង់ធ្វើអ្វីដែលខ្លួនចង់ធ្វើមិនបានដូចជនជាតិដទៃ”។

ដូច្នេះមនុស្សស្បែកខ្មៅ មិនត្រូវបានអនុញ្ញាតឲ្យចូលហាងជួលរ៉ូបអាពាហ៍ពិពាហ៍ទេ។ ហើយសព្វថ្ងៃនេះ ក្ដីសុបិនលោកយាយបានរង់ចាំជាយូរមកហើយនោះ បានក្លាយជាការពិត។ នេះបើតាមសម្ដីរបស់លោកស្រី Angela Strozier ដែលត្រូវជាក្មួយស្រីរបស់លោកយាយ បានបង្កើតភាពភ្ញាក់ផ្អើលដល់លោកយាយ ដោយនាំគាត់ទៅកាន់ហាងជួលរ៉ូបអាពាហ៍ពិពាហ៍ ខណៈការស្លៀករ៉ូបរៀបការ គឺជាជាពេលវេលារីករាយបំផុតរបស់ស្ត្រីវ័យចំណាស់រូបនេះ។

ក្រោយរូបភាពលោកយាយ Martha បានចែកចាយលើអ៊ីនធឺណេត លោកយាយក៏ទទួលបានការចាប់អារម្មណ៍ជាច្រើន និងកោតសរសើរជាខ្លាំង។ ជាពិសេសអ្នកនិយមលេងបណ្ដេញសង្គម បានអបអរនិងសប្បាយចិត្ត ដែលលោកយាយបានសម្រេចបំណងអស់រយៈពេលជាយូរមកហើយ៕

ប្រែសម្រួល៖ សាង ស្រីល័ក្ខ

ប្រភព៖kapook