ថៃ ហាមប្រជាជនមិនឱ្យប្រើឱសថបុរាណមួយដែលល្បីព្យាបាលកូវីដបាន ១០០ ភាគរយ

រដ្ឋបាលចំណីអាហារ និងឱសថថៃ បានចេញសេចក្ដីព្រមានមួយ ហាមប្រជាជនខ្លួនមិនឲ្យប្រើឱសថបុរាណឈ្មោះ Kerra ដែលល្បីថាព្យាបាលជំងឺកូវីដ ១៩ បានយ៉ាងមានប្រសិទ្ធភាព ។

ទន្ទឹមនោះ ក្រសួងសុខាភិបាលថៃ ក៏បានច្រានចោលថានេះជាព័ត៌មានមិនពិត បន្ទាប់ពីមានការស៊ែរព័ត៌មានថា ការទទួលទានឱសថរុក្ខជាតិមួយនេះ អាចព្យាបាលជំងឺកូវីដ ១៩ បាន ១០០ ភាគរយ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងសុខាភិបាលបានពន្យល់ថា តាមរយៈការពិនិត្យឡើងវិញនូវរូបមន្តដើមរបស់ឱសថរុក្ខជាតិបុរាណនេះ វាមិនមានសមាសធាតុ និងគ្មានភ័ស្តុតាងនៃការស្រាវជ្រាវ អំពីប្រសិទ្ធភាព និងសុវត្ថិភាពសម្រាប់ប្រើប្រាស់ព្យាបាលជំងឺកូវីដ ១៩ នោះទេ ។

ក្រសួងបញ្ជាក់ថា ការប្រើប្រាស់ផលិតផលឱសថបែបនេះដើម្បីព្យាបាលកូវីដមិនត្រូវបានគេណែនាំឡើយ ហើយរាល់ព័ត៌មានក្លែងក្លាយដែលបានស៊ែរ ក្រសួងសូមបដិសេធចោលទាំងស្រុង និងកំពុងចាត់វិធានការតាមផ្លូវច្បាប់ ប្រសិនបើរកឃើញការផលិតខុសស្ដង់ដារគួរឲ្យសង្ស័យណាមួយ ៕

ប្រែសម្រួលដោយ ៖ ជីវ័ន្ត

ប្រភព ៖ Sanook

ចុចអាន ៖ ប្រសិទ្ធភាពពិតៗ ស្មៅមួយប្រភេទ ជួយអ្នកជំងឺកូវីដ ថៃ ជិត ៣ ពាន់នាក់ឲ្យជាសះស្បើយ