ចិន ព្រមានអាមេរិក “កុំលេងជាមួយភ្លើង” ហើយឈប់បង្ករឿងនៅ តៃវ៉ាន់
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ចិន ព្រមានអាមេរិក “កុំលេងជាមួយភ្លើង” ហើយឈប់បង្ករឿងនៅ តៃវ៉ាន់

បានផុស

នៅ

អ្នកនាំពាក្យក្រសួងការពារជាតិចិនលោក Wu Qian បាននិយាយកាលពីថ្ងៃព្រហស្បតិ៍សប្តាហ៍មុនថា ចិន សូមព្រមានដល់សហរដ្ឋអាមេរិក កុំលេងជាមួយភ្លើង និងបញ្ឈប់សកម្មភាពប្រថុយប្រថាននិងបង្កហេតុរបស់ខ្លួនជាបន្ទាន់ ហើយកុំបញ្ជូនសញ្ញាខុសទៅកាន់កងកម្លាំងបំបែកខ្លួនឯករាជ្យរបស់កោះតៃវ៉ាន់ និងចៀសវាងភាពតានតឹងកាន់តែខ្លាំងឡើងនៅច្រកសមុទ្រតៃវ៉ាន់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
New ministry spokesman is no man of mystery - China - Chinadaily.com.cn
អ្នកនាំពាក្យក្រសួងការពារជាតិចិនលោក Wu Qian

សារព័ត៌មាន CGTN បានរាយការណ៍ថា លោក Wu បានធ្វើការកត់សម្គាល់បែបនេះ ជាការឆ្លើយតបទៅនឹងរបាយការណ៍នៃការចុះចតរបស់យន្តហោះដឹកយោធា អាមេរិកនៅកោះតៃវ៉ាន់។

លោក Wu លើកឡើងថា កោះតៃវ៉ាន់គឺជាផ្នែកមួយ ដែលមិនអាចកាត់ផ្តាច់បានរបស់ប្រទេសចិន ហើយរាល់ការចុះចតដោយយន្តហោះយោធាបរទេសណាមួយនៅលើទឹកដីចិននេះ ត្រូវតែមានការអនុញ្ញាតពីរដ្ឋាភិបាលនៃសាធារណរដ្ឋប្រជាមានិតចិន។ លោកបន្ថែមថា ការរំលោ​ភណាមួយដោយនាវាឬយន្តហោះបរទេស ក្នុងដែនអាកាសចិននឹងមានផលវិបាកធ្ងន់ធ្ងរ។

យើងបានព្រមានដល់អាជ្ញាធរនៃគណបក្សចម្រើនប្រជាធិបតេយ្យ (DPP) កុំវាយតម្លៃស្ថានការណ៍ដោយខុសឆ្គង អញ្ជើញឆ្កែចចកចូលក្នុងផ្ទះឬធ្វើសកម្មភាពអស់សង្ឃឹម។ ការឃុបឃិតជាមួយកម្លាំងខាងក្រៅដើម្បីស្វែងរកឯករាជ្យឬបង្ករឿងនៅដីគោក នឹងមានតែនាំតៃវ៉ាន់ចូលទៅក្នុងគ្រោះថ្នាក់ប៉ុណ្ណោះ។

លោក Wu និយាយថា ប្រទេសចិនត្រូវតែបង្រួបបង្រួមឡើងវិញ ហើយគ្មាននរណាម្នាក់គួរមើលស្រាលការប្តេជ្ញាចិត្តដ៏រឹងមាំ ការប្តេជ្ញាចិត្តខ្ពស់និងសមត្ថភាពដ៏អស្ចារ្យរបស់ប្រជាជនចិន ដើម្បីការពារអធិបតេយ្យភាពជាតិនិងបូរណភាពទឹកដីរបស់ខ្លួនឡើយ។

លោកបានបន្ថែមទៀតថា កងទ័ពរំដោះប្រជាជនចិន (PLA) នៅតែមានការប្រុងប្រយ័ត្នខ្ពស់ហើយនឹងចាត់វិធានការចាំបាច់គ្រប់បែបយ៉ាង ដើម្បីបង្ក្រាបរាល់ការប៉ុនប៉ងទាមទារឯករាជ្យរបស់តៃវ៉ាន់៕

ប្រែសម្រួល៖ Vann Vann

ប្រភព៖ Farsnews

ចុចអាន៖ មិនធម្មតា! ចិន មានអ្នកប្រើប្រាស់បណ្ដាញ 5G យ៉ាងច្រើនសន្ធឹកសន្ធាប់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៧ នាទី មុន

កាកបាទក្រហមកម្ពុជា​ខេត្ត​កំពត នាំយក​អំណោយជូន​ប្រជាពលរដ្ឋ​ដែល​ងាយ​រងគ្រោះ​ដោយសារ​កូ​វីដ

ព័ត៌មានជាតិ៤៣ នាទី មុន

តុលាការ​កំពូល​នឹង​កាត់ទោស​លោក​ឡាយ វណ្ណៈ នៅ​ព្រឹកស្អែក​នេះ

នយោបាយ១ ម៉ោង មុន

លោក កឹម សុខា​ ៖ ក្នុង​រដូវ​កាន់បិណ្ឌ​ឆ្នាំនេះ ជំងឺ​កូ​វីដ​-១៩​នៅតែ​រីក​រាលដាល​គួរ​ឲ្យ​ព្រួយបារម្ភ​

ព័ត៌មានជាតិ១ ម៉ោង មុន

រដ្ឋបាល​ក្រុង ចុះ​យក​សំណាក​ព្រះសង្ឃ ១២ វត្ត ក្នុងចំណោម ៣៣ វត្ត នៃ​ក្រុង​បាត់ដំបង មាន​វិជ្ជមាន ៦ អង្គ​នាក់

ព័ត៌មានជាតិ៤ ម៉ោង មុន

ផ្សារ​ចិន​ខ្មៅ​អា​ជីក​រដឹក​មកពី​បណ្តា​ខេត្ត​ដាក់​លក់​នៅពេល​យប់​នៅសល់​ស្អុយរលួយ​យក​មក​លក់​នៅ​ផ្សារ​ហ៊ុយ​ឡេង​ម្ចាស់​ផ្សារ​មិន​ឲ្យ​លក់​ផ្ទុះ​ការតវ៉ា

Sokha Hotels

ព័ត៌មានពេញនិយម

Helistar Cambodia - Helicopter Charter Services