ព័ត៌មានអន្ដរជាតិ

ក្រុមអាវលឿង ចាប់ផ្តើមចេញមុខតវ៉ា នាំឲ្យមានក្តីបារម្ភផ្ទុះហឹង្សាជាមួយក្រុមលទ្ធិប្រជាធិបតេយ្យ

បានផុស

១ year មុន

នៅ

ថ្ងៃសុក្រ ២៣ តុលា ២០២០

ដោយ

នៅព្រឹកថ្ងៃសុក្រនេះ បក្ស Palang Pracharath Party (PPRP) របស់ប្រទេសថៃ ដែលគេស្គាល់ថា ជាក្រុមអាវលឿង ស្មោះស្ម័គ្ររបបរាជានិយមរបស់ប្រទេសនេះ បាននាំគ្នាចេញតវ៉ាប្រឆាំងក្រុមបាតុករដែលកំពុងទាមទារលទ្ធិប្រជាធិបតេយ្យ និងបង្ហាញពីការគាំទ្រពេញទំហឹងទៅរដ្ឋធម្មនុញ្ញថៃ ដែលអាស្រ័យរាជានិយម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចាប់ផ្តើមចេញសកម្មភាពដើម្បីបង្ហាញពីការគាំទ្រពេញទំហឹងលើស្តេចថៃ កើតឡើងក្រោយបក្ស PPRP បញ្ចប់កិច្ចប្រជុំវិសាមញ្ញជាមួយសមាជិកបក្សរបស់ខ្លួនកាលពីថ្ងៃព្រហស្បត្តិ៍ម្សិលមិញ។

កញ្ញា Pailin Thiensuwan សមាជិកបក្សប្រចាំខេត្ត Samut Prakan និងជាអ្នកនាំពាក្យជំពប់ទី២ របស់បក្ស PPRP លើកឡើងថា ក្នុងកិច្ចប្រជុំកាលពីម្សិល គណកម្មាធិការបក្ស បានបញ្ជាក់ពីជំហររបស់ខ្លួន ប្តេជ្ញាគាំទ្ររបបរាជានិយមអាស្រ័យរដ្ឋធម្មនុញ្ញ ដើម្បីកែលម្អសុខុមាលភាពប្រជាជន និងគាំទ្រការធ្វើវិសោធនកម្មរដ្ឋធម្មនុញ្ញ តាមរយៈបណ្តាញសមាជិកសភា ដរាបណាការផ្លាស់ប្តូរមិនត្រូវបានធ្វើឡើងចំពោះជំពូកទី ១ និងទី២ (បទបញ្ញត្តិទូទៅ និងតួនាទីព្រះមហាក្សត្រ) នៃធម្មនុញ្ញរបស់ថៃ។

A protester waves a flag at an anti-government protes in Bangkok on Aug. 16. Jonas Gratzer/LightRocket via Getty Images

ជាមួយគ្នានេះ សមាជិកបក្សទាំងអស់ ក៏ប្តេជ្ញាគាំទ្រទៅដល់នាយករដ្ឋមន្ត្រីយោធាថៃ លោក ប្រយុទ្ធ ចាន់អូចា និងសង្ឃឹមថា លោកនឹងអាចដោះស្រាយបញ្ហាជាតិនៅពេលនេះបាន។

នៅថ្ងៃសុក្រនេះ តាមបណ្តាខេត្តជាច្រើននៅប្រទេសថៃ ក្រុមអាវលឿងចាប់ផ្តើមធ្វើព្យុហយាត្រា ដើម្បីបង្ហាញពីការគាំទ្ររបបរាជានិយម ដោយភាគច្រើនសុទ្ធតែជាយុវវ័យ នាំឲ្យមានការបារម្ភថា ក្រុមតវ៉ាទាំងពីរភាគីអាចនឹងផ្ទុះអំពើហឹង្សា បើសិនជាមិនមានវិធានការទប់ស្កាត់ជាមុននោះ៕

ប្រែសម្រួល៖ សុភា
ប្រភព៖ Bangkok Post

អត្ថបទពាក់ព័ន្ធ៖