ព័ត៌មានអន្ដរជាតិ

កុំប្រហែសខ្លួនឲ្យសោះ! អ្នកមានជំងឺរ៉ាំរ៉ៃទាំងនេះ បើឆ្លងវីរុសបំប្លែងខ្លួន គឺហានិភ័យហើយ

បានផុស

៥ years មុន

នៅ

ថ្ងៃអង្គារ ២៧ កក្កដា ២០២១

ដោយ

មជ្ឈមណ្ឌលព័ត៌មានរបស់ថៃ បានបង្ហាញទិន្នន័យពីក្រុមអ្នកជំងឺ ៧ ប្រភេទ ងាយឆ្លងនិងប្រឈមហានិភ័យនៃការស្លាប់ ពីវីរុសបំប្លែងខ្លួនគ្រប់ប្រភេទ ដែលកំពុងតែមានវត្តមានលើពិភពលោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមអ្នកជំងឺទាំងនោះមានដូចជា៖ ជំងឺ លើសឈាម ៧៣ ភាគរយ, ទឹកនោមផ្អែម ៥៥ ភាគរយ, សម្ពាធឈាមខ្ពស់ ៣០ ភាគរយ, តម្រងនោមរ៉ាំរ៉ៃ ១៧ ភាគរយ, បេះដូង ១៣ ភាគរយ, ភាពធាត់ ៨ ភាគរយ និងជំងឺសួត ៨ ភាគរយ ។

អ្នកមានជំងឺប្រចាំកាយ ដែលមានឱកាសឆ្លងលឿន និងងាយប្រឈមហានិភ័យ គួរធ្វើយ៉ាងម៉េចដើម្បីទប់ស្កាត់ឬការពារខ្លួនពីជំងឺកាចសាហាវនេះ។

ចំពោះអ្នកជំងឺមហារីក ដែលកំពុងទទួលការព្យាបាល ឬព្យាបាលដោយប្រើគីមី គួរតែបន្តជួបគ្រូពេទ្យ ( តាមការណែនាំ ) ដើម្បីទទួលការព្យាបាលប្រកបដោយប្រសិទ្ធភាព និងជំងឺរ៉ាំរ៉ៃផ្សេងៗទៀតដូចជា ទឹកនោមផ្អែម ធាត់ បេះដូង ថ្លើម តម្រងនោម ជាដើម។

លើសពីនេះ ត្រូវថែរក្សាខ្លួនអ្នកដោយការញ៉ាំអាហារ ដែលមានសុខភាពល្អ ហាត់ប្រាណឲ្យបានត្រឹមត្រូវ និងសម្រាកគ្រប់គ្រាន់។

ពាក់ម៉ាសបិទមុខ រាល់ពេលចេញក្រៅ ឧស្សាហ៍លាងសំអាតដៃ មុនពេលហូបអាហារ ឬចាប់កាន់របស់ផ្សេងៗ។

ហាមទៅជិតក្រុមមនុស្សមានហានិភ័យ ដើរហើរច្រើន បើចៀសមិនបាន គួរពិភាក្សាគ្នាដោយរក្សាគំលាតរៀងៗខ្លួន។

ត្រូវរក្សាផ្លូវចិត្តឲ្យរឹងមាំ និងសម្រាកខួរក្បាលពីស្រ្តេសតប់ប្រមល់ ជាពិសេសត្រូវធ្វើសកម្មភាពដែលអ្នកចូលចិត្ត ដូចជា មើលខ្សែភាពយន្ត ស្ដាប់តន្ត្រី ចម្អិនម្ហូបប៉ូវសុខភាព និងចំណូលចិត្តផ្សេងៗទៀត។ ល៕

ប្រែសម្រួល៖ សាង ស្រីល័ក្ខ

ប្រភព៖sanook

ចុចអាន៖វីរុសបំប្លែង Delta វាយលុកសុខភាពក្រុមមនុស្សទាំងនេះខ្លាំងជាងគេ

ចុចអាន៖ម្នាក់ក្នុងចំណោម ៣នាក់ ឆ្លងកូវីដដោយមិនដឹងខ្លួន និងគ្មានរោគសញ្ញាអ្វីទាំងអស់

Related Topics:វីរុសបំប្លែងខ្លួនថ្មី ជំងឺរ៉ាំរ៉ៃ