ព័ត៌មានអន្ដរជាតិ
វីរុសបំប្លែងខ្លួន Iota ដែលល្បីមានសមត្ថភាពគេចផុតពីភាពស៊ាំ រកឃើញឆ្លងលឿងជាងប្រភេទផ្សេងទៀតពី ១៥ ទៅ ២៥ ភាគរយ
យោងតាមការបោះពុម្ពផ្សាយនៅលើគេហទំព័រ medRxiv បានឲ្យដឹងថា វីរុសបំប្លែងខ្លួន Iota ដែលគេស្គាល់ថាជា B.1.526 ត្រូវបានរកឃើញដំបូងនៅទីក្រុងញូវយ៉ក ក្នុងខែវិច្ឆិកា ឆ្នាំ ២០២០ មានអត្រាចម្លងលឿនជាង ១៥ ទៅ ២៥ ភាគរយ បើប្រៀបធៀបទៅនឹងវីរុសបំប្លែងខ្លួនដទៃទៀត ។
ការសិក្សាស្រាវជ្រាវដែលត្រូវបានធ្វើឡើង ដោយនាយកដ្ឋានសុខាភិបាលទីក្រុងញូវយ៉ក និងសាលាសុខភាពសាធារណៈ Mailman របស់សាកលវិទ្យាល័យ Columbia ក៏បានឲ្យដឹងដែរថា វីរុសបំប្លែងខ្លួន Iota នេះ អាចគេចផុតពីប្រព័ន្ធភាពស៊ាំ និងបង្កើនហានិភ័យការស្លាប់ខ្ពស់ពីការឆ្លងចំនួន ៦២ ភាគរយ ទៅ ៨២ ភាគរយ ក្នុងចំណោមមនុស្សចាស់ ។
ទន្ទឹមនោះ ការសិក្សានេះបង្ហាញថា វីរុសបំប្លែងខ្លួន Iota បង្កើនអត្រាស្លាប់ពី ៤៦ ភាគរយ ៦២ ភាគរយ និង ៨២ ភាគរយ ចំពោះមនុស្សចាស់ដែលមានអាយុពី ៤៥ ទៅ ៦៤ ឆ្នាំ, ៦៥ ទៅ ៧៤ ឆ្នាំ និងលើសពី ៧៥ ឆ្នាំ ។
អ្នកស្រាវជ្រាវបានសង្កត់ធ្ងន់ថា វីរុសបំប្លែងខ្លួនដូចជាប្រភេទ Iota អាចរាលដាលក្នុងចំណោមប្រជាជនជាច្រើនសប្តាហ៍ មុនពេលរកឃើញសញ្ញារបស់វា ។ លើសពីនេះទៀត វីរុសបំប្លែងខ្លួន Iota មានសមត្ថភាពគេចផុតពីការឆ្លើយតបនៃប្រព័ន្ធភាពស៊ាំ ក៏ដូចជាមានភាពធន់នឹងអង់ទីគ័រដែលបង្កឡើងដោយវ៉ាក់សាំង ។
គួរបញ្ជាក់ថា វីរុសបំប្លែងខ្លួន Iota ត្រូវបានគេរកឃើញនៅក្នុងរដ្ឋទាំង ៥២ នៅសហរដ្ឋអាមេរិក ក៏ដូចជានៅក្នុងប្រទេសចំនួន ២៧ នៅទូទាំងពិភពលោក និងត្រូវបានអង្គការសុខភាពពិភពលោក (WHO) ចាត់ថ្នាក់ជា “វីរុសបំប្លែងខ្លួនគួរឲ្យចាប់អារម្មណ៍” រួមជាមួយនឹងវីរុសបំប្លែងចំនួន ៣ ទៀតដូចជា Lambda និង Kappa ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
-
ព័ត៌មានជាតិ៣ ថ្ងៃ ago
ស្ថានភាពធាតុអាកាសនៅកម្ពុជា ចាប់ថ្ងៃទី២ ដល់ថ្ងៃទី៤ ខែឧសភា ឆ្នាំ២០២៤
-
ព័ត៌មានជាតិ៤ ថ្ងៃ ago
ក្នុងករណីក្ដៅខ្លាំងលើស៤០អង្សារ សម្ដេចធិបតី ណែនាំឱ្យគណៈគ្រប់គ្រងសាលាផ្អាកការសិក្សាបន្ទាន់
-
ព័ត៌មានជាតិ១ សប្តាហ៍ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ១ សប្តាហ៍ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ៦ ថ្ងៃ ago
មន្ត្រីជំនាញប្រើថវិកាជាតិលើការជួសជុលច្រាំងស្ពានវត្តគរ រហូតដល់ ៥ លើក
-
ព័ត៌មានជាតិ៣ ថ្ងៃ ago
ប្រភពមន្រ្តីព្រលាន៖ មានភ្ញៀវជិះពេញ សម្ពោធជើងហោះហើររបស់ Air Asia Cambodia ទៅសៀមរាប
-
ព័ត៌មានអន្ដរជាតិ៤ ថ្ងៃ ago
ផ្ទុះរោងចក្រឈើនៅវៀតណាម ផ្តាច់ជីវិតមនុស្ស ៦នាក់
-
ជីវិតកម្សាន្ដ៦ ថ្ងៃ ago
តារាថៃ Bella បញ្ចាក់ទំនាក់ទំនងជាមួយកូនថៅកែ CP Group