ព័ត៌មានអន្ដរជាតិ
អាមេរិកព្រមានថា រដ្ឋាភិបាលអាហ្វហ្គានីស្ថានអាចធ្លាក់ទៅដៃតាលីបង់ត្រឹម៩០ថ្ងៃ
មន្ត្រីរបស់សហរដ្ឋអាមេរិកបានព្រមានថា រដ្ឋាភិបាលអាហ្វហ្គានីស្ថានអាចធ្លាក់ទៅក្នុងកណ្តាប់ដៃរបស់ពួកតាលីបង់ក្នុងរយៈពេល៩០ថ្ងៃខាងមុខស្របពេលទីក្រុងកាប៉ុលស្ថិតនៅឯកោជិតមួយខែហើយ ខណៈក្រុមតាលីបង់បានវាយលុកយកពន្ធនាគារកណ្តាលនៅ Kandahar ជាទីក្រុងធំលំដាប់ទី២របស់ប្រទេសដើម្បីដោះលែងអ្នកទោសជិត១០០០នាក់។
បរាជ័យនៅទីក្រុង Kandahar ដែលពេលខ្លះហៅថា រដ្ឋធានីខាងត្បូង បានក្លាយជាការបំផ្លិចបំផ្លាញយ៉ាងធ្ងន់ធ្ងរសម្រាប់រដ្ឋាភិបាលអាហ្វហ្គានីស្ថាន បន្ទាប់ពីមួយសប្តាហ៍ដែលពួកតាលីបង់បានវាយលុកទីក្រុងនានាតាមបណ្តាខេត្តស្ទើរទាំងប្រទេសដោយការវាយប្រហារយ៉ាងឆាប់រហ័ស។
បរាជ័យចុងក្រោយសម្រាប់កងកម្លាំងរដ្ឋាភិបាលអាហ្វហ្គានីស្ថានបានកើតឡើង ស្របពេលដែលលោកប្រធានាធិបតីអាមេរិក ចូ បៃដិន ជំរុញឲ្យមេដឹកនាំអាហ្វហ្គានីស្ថានតស៊ូប្រយុទ្ធដើម្បីប្រទេសជាតិរបស់ពួកគេ បន្ទាប់ពីពួកតាលីបង់បានឈ្លានពានចូលកាន់កាប់យ៉ាងលឿន។
អ្នកនាំពាក្យសេតវិមានអ្នកស្រី Jen Psaki បាននិយាយកាលពីថ្ងៃពុធថា ៖«ពួកគេមានអ្វីដែលពួកគេត្រូវការ។ អ្វីដែលពួកគេត្រូវការកំណត់គឺថាតើពួកគេមានឆន្ទៈនយោបាយដើម្បីវ៉ៃបក ហើយថាតើពួកគេមានសមត្ថភាពដើម្បីរួបរួមក្នុងនាមជាមេដឹកនាំដើម្បីប្រយុទ្ធប្រឆាំង»។
អ្នកស្រីបន្ថែមថា ៖«យើងនឹងបន្តផ្តល់ការគាំទ្រតាមអាកាសយ៉ាងជិតស្និទ្ធ។ យើងនឹងបន្តផ្គត់ផ្គងដល់កម្លាំងរបស់ពួកគេដោយអាហារ និងសម្ភារៈ ហើយចំណាយលើប្រាក់ខែរបស់ពួកគេទាំងអស់»។
ពេលសួរថាតើការគាំទ្រផ្លួវអាកាសរបស់អាមេរិកសម្រាប់កងកម្លាំងអាហ្វហ្គានីស្ថានអាចនឹងបញ្ចប់ត្រឹមថ្ងៃទី៣១ ខែសីហានេះ ដែលជាពេលបញ្ចប់សង្គ្រាមផ្លូវការរបស់អាមេរិកនៅអាហ្វហ្គានីស្ថាន អ្នកស្រីបានឆ្លើយតបថា ៖«ខ្ញុំមិនទានមានព័ត៌មានថ្មីជុំវិញរឿងនេះទេ»។ ប៉ុន្តែអ្នកស្រីបានកត់សំគាល់ថា ៖«វាជាសំនួរដ៏ល្អមួយ»។
ស្ថានទូតបរទេសនានានៅទីក្រុងកាប៉ុល រាប់ទាំងស្ថានទូតសហរដ្ឋអាមេរិកផងបានកំពុងបង្កើនផែនការជម្លៀសក្នុងស្ថានការណ៍ដែលកាន់តែធ្ងន់ធ្ងរ។ ការទទួលបានជ័យជម្នះរបស់ពួកតាលីបង់នៅលើសមរភូមិប្រយុទ្ធបានកាន់កាប់រដ្ឋធានីភាគខាងលិចប្រទេសដែលគ្រប់គ្រងដោយរដ្ឋាភិបាលអាហ្វហ្គានីស្ថានយូរមកហើយ។
កាលពីថ្ងៃពុធម្សិលមិញ ប្រទេសឥណ្ឌាបានប្រកាសថា ខ្លួនកំពុងជម្លៀសបុគ្គលិកស្ថានកុងស៊ុលចេញពីទីក្រុងភាគខាងជើង Mazar-i-Sharif ដែលជាទីក្រុងមួយក្នុងចំណោមទីក្រុងសេសសល់ពីការគ្រប់គ្រងរបស់តាលីបង់នាពេលនេះ។
ការបញ្ជាក់ពីការបាត់បង់ពន្ធនាគារ មន្ត្រីម្នាក់នៅទីក្រុង Kandahar បាននិយាយថា ៖«ពួកតាលីបង់បានទម្លាយចូលទៅពន្ធនាគារនៅ Kandahar ពេលល្ងាច ពួកគេឥឡូវនេះគ្រប់គ្រងហើយ។ ពួកគេបានចាប់ផ្តើមវាយប្រហារលើពន្ធនាគារយប់មិញ»។
«មានកន្លែងតិចតូចនៅទីក្រុង Kandahar ដែលស្ថិតក្រោមការគ្រប់គ្រងរដ្ឋាភិបាល តែតាលីបង់គ្រប់គ្រង Ahmad Wali Khan Square។ ខ្ញុំមិនដឹងច្បាស់ទេថាតើអ្នកទោសប៉ុន្មានត្រូវបានដោះលែង តែមានច្រើននាក់»។
អ្នកនាំពាក្យតាលីបង់ម្នាក់បាននិយាយថា កំឡុងពេលការវ៉ៃប្រហារលើពន្ធនាគារ កម្លាំងសន្តិសុខអាហ្វហ្គានីស្ថានចុះចាញ់។ «ពន្ធធនាគារកណ្តាលទីក្រុង Kandahar ស្ថិតក្រោមការគ្រងនៅរសៀលនេះ បន្ទាប់ពីប្រើពេលវ៉ៃកាន់កាប់យ៉ាងយូរ។ អ្នកទោសរាប់រយនាក់ត្រូវបានដោះលែង។ កម្លាំងសន្តិសុខនៅពន្ធនាគារបានចុះចាញ់ និងប្រគល់អាវុធទាំងអស់»៕
ប្រែសម្រួល៖ វីរបុត្រ
ប្រភព៖ theguardian
ថៃកំពុងបង្ខិតប្រទេសរបស់ខ្លួនឱ្យស្របច្បាប់ចំពោះការស្រឡាញ់ភេទដូចគ្នា
ស្លាប់កម្មករម្នាក់ របួសធ្ងន់ស្រាល៣នាក់ក្នុងករណីបាក់ជញ្ជាំងអាងស្តុកទឹក នៅសង្កាត់គោករកា
លោកបណ្ឌិត លី ធុជ ដឹកនាំកិច្ចប្រជុំតាមប្រព័ន្ធអនឡាញ ដើម្បីជំរុញកិច្ចសហប្រតិបត្តិការ និងពង្រឹងអនុលោមភាពនៃអនុសញ្ញាអូតាវ៉ាក្នុងចំណោមរដ្ឋភាគី
កុំភ្លេចត្រៀម CV! ស្អែកនេះ ឱកាសការងារថ្មីបន្ថែមទៀតជិត ៥០០ កន្លែងក្នុងវេទិកាការងាររបស់ NEA
ក្រសួងការងារ និងបណ្តុះបណ្តាលវិជ្ជាជីវៈ បើកវគ្គបណ្តុះបណ្តាលស្តីពីសុវត្ថិភាពអគ្គិភ័យនៅតាមសហគ្រាស គ្រឹះស្ថាន
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៤ ថ្ងៃ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ agoទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ agoបណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ agoកម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៧ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ agoមន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ