វីដេអូស្តែងៗមួយទៀត! ម្តាយនិងកូនៗ ត្រូវគេរត់ជាន់ ពេលមនុស្សសម្រុកចូល អាកាសយានដ្ឋានក្រុង កាប៊ុល

ម្តាយនិងកូនៗ ត្រូវបានគេរត់ជាន់ នៅពេលស្នូរកាំភ្លើងបានផ្ទុះឡើង នៅអាកាសយានដ្ឋានទីក្រុងកាប៊ុល ស្របពេលជនស៊ីវិលអាល្លឺម៉ង់ម្នាក់ ត្រូវបានគេបាញ់ខណៈព្យាយាមទៅឲ្យដល់អាកាសយានដ្ឋាន ហើយចក្រភពអង់គ្លេសបានព្រមានថា ជើងហោះហើរជម្លៀស អាចបញ្ឈប់ត្រឹមពីរបីថ្ងៃទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វីដេអូដែលគេថតបាន នៅខាងក្រៅខ្លោងទ្វារខាងជើងនៃអាកាសយានដ្ឋាន Hamid Karzai បានបង្ហាញពីក្រុមគ្រួសារ ត្រូវបានគេរុញដួលទៅនឹងដី ខណៈហ្វូងមនុស្សបានរត់នៅច្រកចូល នៅពេលទាហានគប់គ្រាប់បែកផ្សែង ហើយបាញ់ព្រមានឡើងទៅលើអាកាស។

នេះគឺជាវីដេអូឃ្លីបចុងក្រោយបង្អស់ ដែលថតបានពីព្រលានយន្តហោះ បន្ទាប់ពីវីដេអូ ទារកត្រូវបានគេហុចរំលងបន្លាលួស ស្ត្រីត្រូវបុរសវាយនិងបុរសធ្លាក់ពីលើយន្តហោះស្លាប់។

ប្រធានាធិបតីអាមេរិកលោក ចូ បៃដិន កំពុងប្រឈមមុខនឹងកំហឹងនៅទូទាំងពិភពលោក ចំពោះការបោះបង់ចោលជនជាតិអាហ្វហ្គានីស្ថាន។

ឥឡូវនេះ កងទ័ព SAS របស់ចក្រភពអង់គ្លេស កំពុងត្រូវបានបញ្ជូនទៅខាងក្រៅបរិវេណអាកាសយានដ្ឋាន ដើម្បីស្វែងរកការពិតនិងរកមើលអ្នកដែលជាប់ក្នុងនោះ ប៉ុន្តែបានបញ្ជាក់ថា ក្រុមតូចៗ នឹងមិនអាចទៅដល់មនុស្សគ្រប់គ្នាដែលត្រូវការជំនួយ បានទាន់ពេលវេលានោះទេ។

ប្រទេសអាល្លឺម៉ង់ក៏បាននិយាយផងដែរថា ខ្លួនបានបញ្ជូនឧទ្ធម្ភាគចក្រកងកម្លាំងពិសេស ចូលទៅក្នុងប្រទេសអាហ្វហ្គានីស្ថាន ជាមួយក្តីសង្ឃឹមថា ពួកគេអាចចាប់ផ្តើមបេសកកម្មជួយសង្គ្រោះ ដើម្បីសង្គ្រោះពលរដ្ឋអាល្លឺម៉ង់និងអ្នកផ្សេងទៀតដែលជាប់នៅក្នុងទីក្រុងកាប៊ុល ហើយនាំពួកគេទៅកាន់ព្រលានយន្តហោះ៕

វីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ ឈាមលើវាលខ្សាច់៖ អាហ្វហ្គានីស្ថាន គឺជាមហន្តរាយចុងក្រោយបំផុតនៃគោលនយោបាយបរទេស របស់អាមេរិក