ថៃ ត្រៀមរស់នៅជាមួយជំងឺកូវីដ ១៩ ពេលបើកព្រំដែនរបស់ខ្លួនឡើងវិញ
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ថៃ ត្រៀមរស់នៅជាមួយជំងឺកូវីដ ១៩ ពេលបើកព្រំដែនរបស់ខ្លួនឡើងវិញ

បានផុស

នៅ

ឥឡូវនេះប្រទេសថៃកំពុងត្រៀមខ្លួនដើម្បីរស់នៅជាមួយជំងឺកូវីដ ១៩ ជាមួយនឹងផែនការដែលរៀបចំឡើងដើម្បីបន្ធូរបន្ថយការរឹតត្បិតមួយចំនួន ក៏ដូចជាបើកព្រំដែនរបស់ខ្លួនឡើងវិញ ដើម្បីចាក់វ៉ាក់សាំងដល់ភ្ញៀវទេសចរ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើយោងតាមទីភ្នាក់ងារព័ត៌មាន Bloomberg បានឲ្យដឹងថា ផែនការនេះបានកើតឡើង ទោះបីករណីឆ្លងថ្មីនៅតែមានជិត ២ ម៉ឺនករណីក្នុងមួយថ្ងៃ ជាមួយនឹងវិធានការគម្លាតសង្គមយ៉ាងតឹងរ៉ឹងនៅតាមតំបន់ភាគច្រើននៃប្រទេសក៏ដោយ ។

ទន្ទឹមនោះ គណៈកម្មាធិការជាតិប្រយុទ្ធនឹងជំងឺឆ្លង (NCDC) កាលពីថ្ងៃចន្ទ បានអនុម័តផ្លាស់ប្តូរយុទ្ធសាស្ត្ររបស់ប្រទេសទៅជា “ការរៀនសូត្រដើម្បីរស់នៅជាមួយជំងឺកូវីដ ១៩” ដោយទទួលស្គាល់ពីធម្មជាតិនៃមេរោគឆ្លងនេះ ។

យោងតាមលោកវេជ្ជបណ្ឌិត Opas Karnkawinpong អគ្គនាយកនៃនាយកដ្ឋានប្រយុទ្ធនឹងជំងឺឆ្លង (DDC) បានឲ្យដឹងថា ផែនការនេះនឹងផ្តោតលើការឆ្លងមេរោគក្នុងកម្រិតមួយ ដែលមិនលើសពីសមត្ថភាពនៃប្រព័ន្ធសុខភាពសាធារណៈ ។

លោកនិយាយថា វិធានការសំខាន់ៗមួយចំនួនរួមមាន ការគ្រប់គ្រងការចាក់វ៉ាក់សាំងសរុបសម្រាប់ក្រុមងាយរងគ្រោះ និងការតាមដានករណីឆ្លងលឿនជាងការសន្មត់ថា មនុស្សគ្រប់គ្នាបានឆ្លង និងចម្លងមេរោគនេះរួចទៅហើយ ។

លោកវេជ្ជបណ្ឌិត Opas Karnkawinpong

រហូតមកពេលនេះ ប្រហែល ៨ ភាគរយប៉ុណ្ណោះនៃប្រជាជនថៃ ត្រូវបានចាក់វ៉ាក់សាំងការពារជំងឺកូវីដ ១៩ ពេញ ២ ដូស ខណៈនៅថ្ងៃអង្គារនេះ ប្រទេសថៃបានកត់ត្រាករណីឆ្លងថ្មីចំនួន ១៧,១៦៥ ករណីដែលជាចំនួនឆ្លងប្រចាំថ្ងៃថ្មីទាបបំផុត ចាប់តាំងពីថ្ងៃទី ៣០ ខែកក្កដា បើប្រៀបធៀបទៅនឹងការឆ្លងជាង ២ ម៉ឺនករណីជារៀងរាល់ថ្ងៃនៅក្នុងខែនេះ ។

គួរបញ្ជាក់ថា បច្ចុប្បន្នប្រទេសថៃមានករណីឆ្លងជំងឺកូវីដ ១៩ សរុបជាង ១ លានករណី និងមានអ្នកស្លាប់ជិត ១ ម៉ឺននាក់ ៕

ប្រែសម្រួលដោយ ៖ ជីវ័ន្ត

ប្រភព ៖ New Straits Times

ចុចអាន ៖ ថៃ នឹងយកវ៉ាក់សាំង Pfizer ចាក់ឲ្យស្ត្រីមានផ្ទៃពោះ កុមារ និងអ្នកមានជំងឺរ៉ាំរ៉ៃ ៧ ប្រភេទក្នុងថ្ងៃតែមួយ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ម៉ោង មុន

ថ្នាក់ដឹកនាំ​អាជ្ញាធរ​ជាតិ​អប្សរា​ចុះ​ពិនិត្យ​ទីតាំង​ត្រៀម​រៀបចំ​ព្រឹត្តិការណ៍​«​រំលឹក​គុណ​អង្គរ​»

នយោបាយ៧ ម៉ោង មុន

គណបក្ស​បេះដូង​ជាតិ ដាក់ពាក្យ​បណ្តឹង​ចូល​ទៅ​កាន់​តុលាការ​កំពូល​រួច​ហើយ នា​រសៀល​នេះ

ជីវិតកម្សាន្ដ៧ ម៉ោង មុន

ឈុត​តំណាង​ជាតិ​បវរ​កញ្ញា​កម្ពុជា​២​រូប​ ត្រៀម​បង្អួត​លើ​ឆាក​អន្តរជាតិ​កំពុង​អង្រួន​បេះដូង​អ្នកគាំទ្រ

ជីវិតកម្សាន្ដ៨ ម៉ោង មុន

ផ្ទុះ​ការគាំទ្រ ! ពេជ្រ សោភា គ្រង​ឈុត​ស្រី្ត​ខ្មែរ​ក្រុង​លង្វែក​អាយុកាល​១០​ឆ្នាំ

កីឡា៨ ម៉ោង មុន

សិក្ខាកាម​ទទួល​លទ្ធផល​ល្អ​៣០% សម្រាប់​សិក្សា​វគ្គ​បណ្តុះបណ្តាល​បច្ចេកទេស​គ្រូ​បង្វឹក​អន្តរជាតិ​កម្រិត ១​កីឡា​ទោចក្រយាន

Sokha Hotels

ព័ត៌មានពេញនិយម

Helistar Cambodia - Helicopter Charter Services