ព័ត៌មានអន្ដរជាតិ

ថៃ នឹងយកវ៉ាក់សាំង Pfizer ចាក់ឲ្យស្ត្រីមានផ្ទៃពោះ កុមារ និងអ្នកមានជំងឺរ៉ាំរ៉ៃ ៧ ប្រភេទក្នុងថ្ងៃតែមួយ

បានផុស

៥ years មុន

នៅ

ថ្ងៃសុក្រ ២០ សីហា ២០២១

ដោយ

ថៃបានសម្រេចចាក់វ៉ាក់សាំង Pfizer ដល់ស្ត្រីមានផ្ទៃពោះចាប់ពី ១២ សប្ដាហ៍ឡើង និងកុមារអាយុ ១២-១៨ ឆ្នាំ រួមជាមួយក្រុមនុស្សមានជំងឺរ៉ាំរ៉ៃ ៧ ប្រភេទក្នុងថ្ងៃតែមួយព្រមគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ទីរពេទ្យ Siriraj និងមន្ទីរពេទ្យ Somdet Phra Pinklao បានប្រកាសចាក់វ៉ាក់សាំង Pfizer ដល់ស្ត្រីមានផ្ទៃពោះអាយុចាប់ពី ១២ សប្ដាហ៍ និងកុមារអាយុ ១២-១៨ ឆ្នាំ ព្រមជាមួយក្រុមមនុស្សមានជំងឺរ៉ាំរ៉ៃ ៧ ប្រភេទរួមមាន៖

១ ជំងឺផ្លូវដង្ហើមរ៉ាំរ៉ៃរួមទាំងជំងឺហឺត ដែលមានរោគសញ្ញាមធ្យមឬធ្ងន់ធ្ងរ ។

២ ជំងឺសរសៃឈាមបេះដូង ឬជំងឺដាច់សរសៃឈាមខួរក្បាល។

៣ ខ្សោយតំរងនោមរ៉ាំរ៉ៃ ។

៤ ការធាត់លើសទម្ងន់ ៧០ គីឡូក្រាម ចំពោះកុមារអាយុ ១២-១៣ ឆ្នាំ, លើសទម្ងន់ ៨០ គីឡូក្រាមនៅអាយុ ១៣-១៥ ឆ្នាំ, លើសទម្ងន់ ៩០ គីឡូក្រាមចំពោះកុមារអាយុ ១៥-១៨ ឆ្នាំ។

៥ ជំងឺមហារីកឬភាពស៊ាំទាប។

៦ ជំងឺទឹកនោមផ្អែម។

៧ ជំងឺហ្សែនរួមទាំងកុមារដែលមានភាពចុះខ្សោយនៃប្រព័ន្ធសរសៃប្រសាទធ្ងន់ធ្ងរ កុមារដែលមានការអភិវឌ្ឍយឺតយ៉ាវជាដើម ។

សម្រាប់ការចាក់វ៉ាក់សាំងដល់ក្រុមមនុស្ស ៣ ប្រភេទរួមគ្នាក្នុងថ្ងៃតែមួយ គឺធ្វើឡើងនៅថ្ងៃ ២៦ អាទិត្យក្រោយនេះ។ ចំណែកខាងមន្ទីរពេទ្យក៏បានបញ្ជាក់ដែរថា ដោយសារចំនួនវ៉ាក់សាំងមានកំណត់ ដូច្នេះវាត្រូវបានបម្រុងទុកសម្រាប់ក្រុមដែលបំពេញតាមលក្ខណៈវិនិច្ឆ័យនិងប្រកាសខាងលើតែប៉ុណ្ណោះ។

ការប្រកាសនេះធ្វើឡើង ស្របពេលប្រទេសថៃមានករណីឆ្លងកើនឡើងសឹងរាល់ថ្ងៃ ព្រមជាមួយចំនួនស្លាប់ នៅទូទាំងប្រទេស។ ដោយថ្ងៃនេះរកឃើញ ១,០០៩,៧១០ ករណី ស្លាប់ ៨,៨២៦ នាក់ និងជាសះស្បើយ ៧៩៥,៨០៥ ករណី៕

ប្រែសម្រួល៖ សាង ស្រីល័ក្ខ

ប្រភព៖Sanook

ចុចអាន៖ថៃ ប្រាប់ប្រជាជនកុំយល់ច្រឡំឱសថចិនប្រើសម្រាប់ព្យាបាលកូវីដ តែអាចលេបជួយបន្ថយរោគសញ្ញា

ចុចអាន៖ថៃ ហាមប្រជាជនកុំបាញ់អាកុលចូលក្នុងអាហារ គឺមិនជួយកាត់បន្ថយហានិភ័យនៃការឆ្លងកូវីដទេ

Related Topics:ប្រទេសថៃ