រូបភាពដ៏តក់ស្លុត! ក្រុមតាលីបង់សម្លាប់ សូម្បីតែកុមារស្លូតត្រង់

អតីតរដ្ឋមន្រ្តីក្រសួងមហាផ្ទៃអាហ្វហ្គានីស្ថាន បានអះអាងថា ក្រុមតាលីបង់កំពុងសម្លាប់កុមារស្លូតត្រង់ ខណៈពួកគេពង្រឹងអំណាចយ៉ាងឃោរឃៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Masoud Andarabi ដែលត្រូវបានបណ្តេញចេញពីតំណែងដោយអតីតប្រធានាធិបតី Ashraf Ghani កាលពីខែមីនា បានបង្ហោះរូបភាពដ៏តក់ស្លុតជាច្រើន នៅលើបណ្តាញសង្គម Twitter រួមទាំងរូបភាពកុមារតូចម្នាក់ ដែលត្រូវបានសម្លាប់ដោយក្រុមអ្នកប្រយុទ្ធតាលីបង់ ផងដែរ។

លោកបានអះអាងថា ក្រុមតាលីបង់ កំពុងព្យាយាមគ្រប់គ្រងលើប្រជាជនដោយប្រព្រឹត្តអំពើភេរវកម្ម សម្លាប់កុមារតូចៗនិងពលរដ្ឋវ័យចំណាស់។

នៅក្នុង Twitter របស់គាត់ លោក Andarabi បានបន្ថែមថា “នៅស្រុក Andarab ក្រុមតាលីបង់បានធ្វើការឆែកឆេរតាមផ្ទះ ចាប់មនុស្សដោយគ្មានហេតុផល និងសម្លាប់ពលរដ្ឋស្លូតត្រង់”។

ជាលទ្ធផល មនុស្សត្រូវងើបប្រឆាំងនឹងភាពឃោឃៅរបស់ពួកគេដើម្បីការពារអាយុជីវិតកិត្តិយសសេចក្តីថ្លៃថ្នូរនិងទ្រព្យសម្បត្តិរបស់ពួកគេ។

រូបភាពថ្មីៗដ៏គួរឲ្យភ្ញាក់ផ្អើលនេះ ត្រូវបានបង្ហោះបន្ទាប់ពីមានរបាយការណ៍កាលពីសប្តាហ៍មុនថា ក្រុមសកម្មប្រយុទ្ធឥស្លាមនិយមនេះ បានដើរតាមទីក្រុងនានាទូទាំងប្រទេសអាហ្វហ្គានីស្ថាន រកស្ត្រីនិងក្មេងស្រី៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ ក្រុមតាលីបង់ រំលោភសាកសព ហើយឆែកឆេរតាមផ្ទះ យកស្រ្តីធ្វើជាទាសករផ្លូវភេទ