ទស្សនាវីដេអូនិងរូបភាពរន្ធត់ៗ បន្ទាប់ពីការវាយប្រហារអត្តឃាតនៅ អាហ្វហ្គានីស្ថាន

រូបភាពដំបូងចេញពីទីក្រុងកាប៊ុល បានបង្ហាញពីភាពច្របូកច្របល់ ការបំផ្លិចបំផ្លាញនិងថ្លុកឈាមនៅក្លោងទ្វារព្រលានយន្តហោះ ដែលជាកន្លែងជនជាតិអាហ្វហ្គានីស្ថាន រង់ចាំទោះ បើទោះបីជាមានការព្រមានក៏ដោយ។

យោធាអាមេរិក បានបញ្ជាក់ពីការផ្ទុះចំនួនពីរលើក នៅខាងក្រៅអាកាសយានដ្ឋានទីក្រុងកាប៊ុល ដោយមួយលើកនៅឯច្រកទ្វារ Abbey ក្នុងអ្វីដែលជំនួយការរដ្ឋមន្រ្តីក្រសួងការពារជាតិទទួលបន្ទុកកិច្ចការសាធារណៈលោក John Kirby ពណ៌នាថាជា “ការវាយប្រហារដ៏ស្មុគស្មាញដែលបណ្តាលឲ្យយោធាអាមេរិកនិងជនស៊ីវិលស្លាប់”។

ការផ្ទុះមួយទៀតបានកើតឡើងនៅជិតសណ្ឋាគារ Baron ដែលមានចម្ងាយមិនឆ្ងាយទេពីក្លោងទ្វារ Abbey។

រូបភាពដែលត្រូវបានបង្ហោះដោយបណ្តាញព័ត៌មានក្នុងស្រុកនៅប្រទេសអាហ្វហ្គានីស្ថាន បានបង្ហាញពីអ្នកស្លាប់ អ្នករងរបួសត្រូវបានគេរុញដោយរទេះ អ្នកខ្លះមានរុំរបួសក្បាល ហើយមនុស្សម្នា ត្រូវបានគេឃើញរត់គេចពីកន្លែងកើតហេតុ។

យោធាអាមេរិកចំនួន ១៣ នាក់និងជនជាតិអាហ្វហ្គានីស្ថានយ៉ាងតិច ៦០នាក់ ត្រូវបានសម្លាប់ក្នុងការវាយប្រហារនេះ។

មន្រ្តីអាមេរិកបានព្រមានកាលពីសប្តាហ៍មុនថា ការគំរាមកំហែងនៃការវាយប្រហារភេរវកម្មនៅព្រលានយន្តហោះកាន់តែមានភាពស្រួចស្រាវទៅៗ។

ក្រុម ISIS នៅខេត្ត Khorasan ដែលគេស្គាល់ថា ISIS-K បានអះអាងថា ក្រុមសកម្មប្រយុទ្ធ ISIS បានធ្វើការវាយប្រហារអត្តឃាតនេះ៕

វីដេអូ៖

ប្រែសម្រួល៖ Vann Vann

ប្រភព៖ News.com.au

ចុចអាន៖ Update! យោធាអាមេរិក និងពលរដ្ឋអាហ្វហ្គានីស្ថាន ជាង៧០នាក់ ស្លាប់ក្នុងការផ្ទុះគ្រាប់បែកអត្ថឃាត នៅព្រលានយន្តហោះក្រុង កាប៊ុល