ព័ត៌មានអន្ដរជាតិ

ប្រេស៊ីលកែរបៀបរាប់ថ្មី ប្រកាសអ្នកឆ្លងកូវីដជាង១៥ម៉ឺននាក់ក្នុងមួយថ្ងៃ

បានផុស

៥ years មុន

នៅ

ថ្ងៃចន្ទ ២០ កញ្ញា ២០២១

ដោយ

យោងតាមទិន្នន័យរបស់ក្រសួងសុខាភិបាលបានបង្ហាញថា ប្រទេសប្រេស៊ីលមានករណីស្លាប់ដោយកូវីដ៩៣៥នាក់ និងឆ្លង ១៥០១០៦នាក់កាលពីថ្ងៃសៅរ៍កន្លងទៅ។

វាជាចំនួនដ៏ច្រើនខុសពីធម្មតា ប៉ុន្តែបើមន្ត្រីបានឲ្យដឹងថា តួលេខនេះដោយសារតែការកែប្រែរបៀបរាប់ថ្មី។

ក្រសួងសុខាភិបាលប្រេស៊ីលបាននិយាយថា ករណីឆ្លងកូវីដប្រហែលជា៩២៦១៤នាក់បានកើតមាននៅទីក្រុង Rio de Janeiro ក្នុងប៉ុន្មានខែចុងថ្មីនេះ ប៉ុន្តែទើបតែត្រូវបានគណនាបញ្ចូលជាផ្លូវការក្នុងរយៈពេល២៤ម៉ោងចុងក្រោយ។

មន្ទីរសុខាភិបាលក្រុង Rio បានចាត់ទុកចំនួនឆ្លងទាំងនេះត្រូវបានចុះបញ្ជីតាមការស្នើសុំថ្មីពីក្រសួងសុខាភិបាល ប៉ុន្តែសេចក្តីលំអិតយ៉ាងណានោះមិនបញ្ជាក់ឡើយ។

មន្ទីរសុខាភិបាលក្រុងបានបញ្ជាក់ថា មិនមានករណីឆ្លងដែលបានកើតក្នុងរយៈពេល២៤ម៉ោងចុងក្រោយទេ ប៉ុន្តែជាករណីឆ្លងដែលមិនត្រូវបានបង្ហាញកាលពីមុន មុនពេលការកែប្រែនៅក្នុងប្រព័ន្ធគណនា។

បើយោងតាមការផ្សាយរបស់ប្រព័ន្ធផ្សព្វផ្សាយរដ្ឋថា យ៉ាងហោចណាស់រដ្ឋពីរគឺ Paraiba និង Sao Paulo មានករណីឆ្លងកើនឡើងខុសពីធម្មតាក្នុងរយៈពេលប៉ុន្មានថ្ងៃចុងក្រោយនេះដោយសារតែការកែប្រែរបៀបរាប់។

រហូតដល់ពេលនេះ ប្រទេសប្រេស៊ីលមានករណីឆ្លងកូវីដ-១៩សរុបចំនួន ២១.២លាននាក់ និងករណីស្លាប់ ៥៩០៥០៨នាក់៕

ប្រែសម្រួល៖ វីរបុត្រ
ប្រភព៖ reuters