ព័ត៌មានអន្ដរជាតិ
វ៉ាក់សាំងដូសជំរុញ កំពុងបង្ហាញឥទ្ធិពល នៅប្រទេស អ៊ីស្រាអែល
ករណីឆ្លងវីរុសកូវីដ-១៩ កំពុងធ្លាក់ចុះនៅអ៊ីស្រាអែលជាលើកដំបូង ក្នុងរយៈពេលប៉ុន្មានខែមកនេះ ហើយការចូលមន្ទីរពេទ្យក៏កំពុងថយចុះយ៉ាងខ្លាំងផងដែរ ដែលនេះជាសញ្ញាវិជ្ជមាននៃកម្មវិធីចាក់វ៉ាក់សាំងដូសជំរុញ ដ៏មានប្រសិទ្ធភាព។
បច្ចុប្បន្ន ប្រទេសនេះកំពុងកត់ត្រាការឆ្លងមេរោគកូវីដជាមធ្យមតិចជាង ៤,០០០ ករណីជារៀងរាល់ថ្ងៃ បើប្រៀបធៀបទៅនឹង ១១,០០០ ករណីដែលជាចំណុចកំពូលនៃរលកទី ៣ របស់ខ្លួនកាលពីថ្ងៃទី ១៤ ខែកញ្ញា។
ករណីបានធ្លាក់ចុះយ៉ាងខ្លាំងក្នុងរយៈពេលជាច្រើនសប្តាហ៍មកនេះ បើទោះបីជាសាលារៀនអ៊ីស្រាអែលបើកឡើងវិញ ហើយកត់ត្រាចំនួនតេស្តនៅក្នុងថ្នាក់រៀនក៏ដោយ។
ប្រទេសអ៊ីស្រាអែល បានបើកយុទ្ធនាការចាក់វ៉ាក់សាំងដូសជំរុញ ដ៏គួរឲ្យភ្ញាក់ផ្អើលកាលពីខែកក្កដា ដោយកំណត់គោលដៅលើមនុស្សអាយុ ៦០ ឆ្នាំឡើង មុននឹងពង្រីកដល់មនុស្សគ្រប់រូបដែលមានអាយុចាប់ពី ១២ ឆ្នាំឡើងទៅ។
ចំនួនមនុស្សផ្ទុកកូវីដដែលត្រូវបានបញ្ជូនទៅមន្ទីរពេទ្យ រៀងរាល់សប្តាហ៍ បានធ្លាក់ចុះក្នុងរយៈពេលមួយខែចុងក្រោយនេះ នៅក្នុងអ្វីដែលក្រុមអ្នកវិទ្យាសាស្ត្រអ៊ីស្រាអែលជឿជាក់ថា ជាលទ្ធផលនៃភាពស៊ាំដែលកើនឡើងពីដូសទី ៣។
ការសិក្សាដ៏ធំមួយដែលបោះពុម្ពផ្សាយក្នុងទស្សនាវដ្តី New England Journal of Medicine (NEJM) កាលពីថ្ងៃទី ១៥ ខែកញ្ញាបានរកឃើញថា មនុស្សអាយុលើស ៦០ ឆ្នាំដែលបានចាក់វ៉ាក់សាំងដូសទី ៣ បាន២សប្តាហ៍ គឺមានលទ្ធភាពឆ្លងវីរុសកូវីដបំប្លែងខ្លួន Delta តិចជាងមុន ១១.៣ ដង។
ការស្រាវជ្រាវនេះ បានពិនិត្យមើលទៅលើជនជាតិអ៊ីស្រាអែលជាង ១.១ លាននាក់។ ពួកគេក៏បានរកឃើញផងដែរថា មនុស្សដែលចាក់ដូសជំរុញ មានលទ្ធភាពចូលមន្ទីរពេទ្យ តិចជាងអ្នកដែលនៅតែពឹងផ្អែកលើការការពារពី វ៉ាក់សាំងពីរដូស តិចជាង១៩.៥ដង។
ទិន្នន័យចុងក្រោយពីក្រសួងសុខាភិបាលរបស់ប្រទេស បានបង្ហាញថា កម្មវិធីចាក់ដូសជំរុញ បានបង្កើតការការពារយ៉ាងខ្លាំងចំពោះមនុស្សចាស់។
អត្រានៃជំងឺកូវីដធ្ងន់ធ្ងរក្នុងមនុស្សវ័យជាង ៦០ ឆ្នាំដែលចាក់វ៉ាក់សាំង២ដូស បច្ចុប្បន្នគឺខ្ពស់ជាង ៩ ដងបើធៀបទៅនឹងអ្នកចាក់៣ដូស៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ កូវីដ សម្លាប់មនុស្សលើស ៧០ម៉ឺននាក់នៅ អាមេរិក
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៨ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore