ចិន ហាមឃាត់ការនាំចូលសាច់គោ អង់គ្លេស អាយុក្រោម ៣០ ខែ ក្រោយរកឃើញជំងឺមួយនេះ

គយចិនបាននិយាយនៅថ្ងៃចន្ទនេះថា ខ្លួនបានហាមឃាត់សាជាថ្មីលើការនាំចូលសាច់គោអង់គ្លេសអាយុក្រោម ៣០ ខែ ដោយសារមានករណីជំងឺគោឆ្កួតនៅក្នុងប្រទេសកាលពីខែមុន ។

យោងតាមសេចក្តីថ្លែងការណ៍នៅលើគណនី Wechat ផ្លូវការរបស់អគ្គនាយកដ្ឋានគយបានឲ្យដឹងថា ការហាមឃាត់នេះមានប្រសិទ្ធភាព ចាប់តាំងពីថ្ងៃទី ២៩ ខែកញ្ញាមកម្ល៉េះ ។

ការហាមឃាត់នេះកើតឡើង ខណៈដែលប្រទេសចិនមិនទាន់ចាប់ផ្តើមទិញសាច់គោពីចក្រភពអង់គ្លេសឡើងវិញនៅឡើយទេ បន្ទាប់ពីបានយល់ព្រមក្នុងឆ្នាំ ២០១៩ ដើម្បីលុបចោលការហាមឃាត់សាច់គោអង់គ្លេសដែលបានដាក់នៅទសវត្សរ៍ឆ្នាំ ១៩៩០ ក្នុងអំឡុងពេលផ្ទុះជំងឺគោឆ្កួត ។

គួរបញ្ជាក់ថា ប្រទេសចិនក៏បានផ្អាកការនាំចូលសាច់គោពីប្រទេសប្រេស៊ីល ដែលជាអ្នកផ្គត់ផ្គង់កំពូលរបស់ខ្លួននៅដើមខែកញ្ញាផងដែរ បន្ទាប់ពីប្រេស៊ីលបានរាយការណ៍ពីករណីជំងឺគោឆ្កួតចំនួន ២ ករណី ៕

ប្រែសម្រួលដោយ ៖ ជីវ័ន្ត

ប្រភព ៖ CNA

ចុចអាន ៖ អ្នកវិទ្យាសាស្ត្រលើកហេតុផលច្បាស់ៗថា កូវីដ មិនមែនមានដើមកំណើតនៅក្នុងរូងភ្នំ ចិន ទេ