ព័ត៌មានអន្ដរជាតិ
មេក្រុម ISIS មានតម្លៃក្បាល ៥លានដុល្លារ ត្រូវបានចាប់ខ្លួនទាំងរស់
ប្រទេសអ៊ីរ៉ាក់ បានចាប់ខ្លួនប្រធានហិរញ្ញវត្ថុនិងជាមេបញ្ជាការទី ២ របស់ក្រុមរដ្ឋឥស្លាម។ គាត់ជាបុគ្គលម្នាក់ ដែលអាមេរិកហ៊ានផ្តល់ប្រាក់រង្វាន់ដល់ទៅ ៥ លានដុល្លារសម្រាប់ក្បាលរបស់គាត់។
យោងតាមប្រភពយោធាជាន់ខ្ពស់អ៊ីរ៉ាក់ ដែលត្រូវបានដកស្រង់សម្តីដោយទីភ្នាក់ងារសារព័ត៌មាន AFP បានឲ្យដឹងថា លោក Sami Jasim al-Jaburi ដែលត្រូវបានគេសង្ស័យថាជាអតីតអនុប្រធានរបស់អតីតមេដឹកនាំក្រុម IS លោក Abu Bakr al-Baghdadi គឺត្រូវបានចាប់ខ្លួននៅក្នុងប្រទេសទួរគី។
នាយករដ្ឋមន្រ្តីអ៊ីរ៉ាក់លោក Mustafa al-Kadhemi បានប្រកាសអំពីការចាប់ខ្លួននេះ កាលពីថ្ងៃចន្ទទី១១ខែតុលា ប៉ុន្តែមិនបានបញ្ជាក់ពីទីតាំងនោះទេ គ្រាន់តែនិយាយនៅលើបណ្តាញសង្គម Twitter ថា លោក Jaburi ត្រូវបានចាប់ខ្លួននៅក្នុងប្រតិបត្តិការខាងក្រៅដ៏ស្មុគស្មាញមួយ។
ទោះបីជាយ៉ាងណាក៏ដោយ លោកមិនបានផ្តល់ព័ត៌មានលម្អិតបន្ថែមអំពីប្រតិបត្តិការនេះទេ ប៉ុន្តែបានចាត់ទុកវាថា ជាប្រតិបត្តិការចារកម្មឆ្លងដែនដ៏លំបាកបំផុតមួយ ដែលកងកម្លាំងអ៊ីរ៉ាក់មិនធ្លាប់ធ្វើទាល់តែសោះ។
កម្មវិធីផ្តល់រង្វាន់យុត្តិធម៌អាមេរិក បាននិយាយថា នៅក្នុងក្រុម IS លោក Jaburi គឺមានតួនាទីស្មើនឹងរដ្ឋមន្រ្តីក្រសួងហិរញ្ញវត្ថុ ដែលត្រួតពិនិត្យប្រតិបត្តិការបង្កើតប្រាក់ចំណូលរបស់ក្រុមនេះ ពីការលក់ប្រេង ឧស្ម័ន វត្ថុបុរាណនិងរ៉ែខុសច្បាប់។
គេហទំព័ររបស់កម្មវិធីនេះ បានពណ៌នាលោក Jasim ថាជាឧបករណ៍ដ៏សំខាន់ ក្នុងការគ្រប់គ្រងហិរញ្ញវត្ថុសម្រាប់ប្រតិបត្តិការភេរវករ IS។
នៅខែកញ្ញាឆ្នាំ២០១៥ ក្រសួងរតនាគារអាមេរិកបានដាក់ឈ្មោះលោក Jaburi ថាជាភេរវករសកលដែលគេកំណត់ជាពិសេស។
លោក Jassem បានធ្វើការនៅអ៊ីរ៉ាក់ជាមួយមេដឹកនាំអាល់កៃដាឈ្មោះ Abu Musab al-Zarqawi ជាជនសកម្មប្រយុទ្ធហ្ស៊កដានីដែលត្រូវបានសម្លាប់នៅក្នុងការវាយប្រហារតាមអាកាសរបស់អាមេរិក នៅប្រទេសអ៊ីរ៉ាក់ក្នុងឆ្នាំ ២០០៦។
គាត់បានកាន់កាប់មុខតំណែងសន្តិសុខជាច្រើន នៅក្នុងប្រទេសអ៊ីរ៉ាក់ហើយបានផ្លាស់ទៅប្រទេសស៊ីរីក្នុងឆ្នាំ ២០១៥ បន្ទាប់ពីក្រុមរដ្ឋឥស្លាម បានប្រកាសរដ្ឋ កាលីហ្វ របស់ខ្លួននៅឆ្នាំ ២០១៤ ហើយបានក្លាយជាអនុប្រធានរបស់លោក Abu Bakr al-Baghdadi ដែលជាមេដឹកនាំក្រុមជ្រុលនិយមមួយនេះ៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ ISIS-K កាន់តែបានដៃ ម្សិលមិញបំផ្ទុះគ្រាប់បែកអត្តឃាត សម្លាប់មនុស្ស១០០នាក់ទៀត នៅអាហ្វហ្គានីស្ថាន
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម១៩ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ