ព័ត៌មានអន្ដរជាតិ

បុរសអាយុ២៥ឆ្នាំម្នាក់ត្រូវបានចាប់ខ្លូនសង្ស័យសម្លាប់សមាជិកសភាអង់គ្លេស

បានផុស

២ years មុន

នៅ

ថ្ងៃចន្ទ ១៨ តុលា ២០២១

ដោយ

បុរសឈ្មោះ Ali Harbi Ali ជាកូនប្រុសរបស់អឌិតទីប្រឹក្សាផ្នែកសារព័ត៌មានរបស់អតីតនាយករដ្ឋមន្ត្រីសូម៉ាលីត្រូវបានចាប់ខ្លួនក្រោមច្បាប់ប្រឆាំងភេរវកម្ម បន្ទាប់ពីសង្ស័យសម្លាប់សមាជិកសភាអង់គ្លេសលោក David Amess។ នេះបើតាមប្រភពជិតស្និទ្ធនឹងការស៊ើបអង្កេតបាននិយាយ។

លោក Amess អាយុ៦៩ឆ្នាំមកពីគណបក្សអភិរក្សនិយមរបស់លោកនាយករដ្ឋមន្ត្រី Boris Johnson ត្រូវបានចាក់ជាច្រើនកាំបិតបណ្តាលឲ្យស្លាប់នៅពេលលោកបានជួបអ្នកបោះឆ្នោតនៅក្នុងព្រះវិហារមួយកាលពីថ្ងៃសុក្រនៅតំបន់ Leigh-on-Sea ភាគខាងកើតទីក្រុងឡុងដ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ូលិសបាននិយាយថា ពួកគេបានចាប់ខ្លួនបុរសជនជាតិអង់គ្លេសអាយុ២៥ឆ្នាំនៅកន្លែងកើតហេតុដែលសង្ស័យពាក់ព័ន្ធនឹងឃាតកម្ម និងបាននិយាយថា គាត់ត្រូវបានគេជឿថាធ្វើសកម្មភាពម្នាក់ឯង។ ពួកគេមិនបានបង្ហាញឈ្មោះជនសង្ស័យនោះទេ ប៉ុន្តែបានប្រើសិទ្ធិក្រោមច្បាប់ប្រឆាំងភេរវកម្មដើម្បីឃុំខ្លួនដល់ថ្ងៃទី២២ ខែតុលា។

ប្រភពជិតស្និទ្ធនឹងការស៊ើបអង្កេតមួយបានឲ្យដឹងថា ឈ្មោះ Ali Harbi Ali ជាពលរដ្ឋអង់គ្លេស ជាជនសង្ស័យដែលត្រូវបានឃាតខ្លួន។ តាមព័ត៌មានថា ជនសង្ស័យបានធ្វើការណាត់ជួបលោក Amess នៅការិយាល័យបោះឆ្នោត។

សារព័ត៌មាន BBC បានផ្សាយថា ជាច្រើនឆ្នាំកន្លងទៅ Ali ត្រូវបានគេយោងទៅលើកម្មវិធីរដ្ឋាភិបាលមួយហៅថា«ការពារ ឬ Prevent» ដែលមានគោលបំណងតាមដានមនុស្សពីការទាក់ទាញដោយគំនិតជ្រុលនិយមលើបណ្តាញសង្គម។ ប៉ុន្តែឈ្មោះរបស់គាត់មិនស្ថិតនៅក្នុងបញ្ជីឃ្លាំមើលភេរវកម្មទេ។

ប៉ូលិស និងសេវាកម្មសន្តិសុខជឿថា Ali បានធ្វើសកម្មភាពតែម្នាក់ឯង។ កាសែត The Sunday Times បាននិយាយថា គាត់ប្រហែលជាត្រូវបានជំរុញគំនិតដោយក្រុមឥស្លាមនិយម al-Shabaab ពាក់ព័ន្ធនឹងអាល់កៃដានៅប្រទេសសូម៉ាលី។

ឪពុករបស់ Ali គឺលោក Harbi Ali Kullane ជាអតីតទីប្រឹក្សារបស់លោក Hassan Ali Khaire ជាអតីតនាយករដ្ឋមន្ត្រីសូម៉ាលី៕

ប្រែសម្រួល៖ វីរបុត្រ
ប្រភព៖ reuters

Related Topics:ប្រទេសអង់គ្លស