ព័ត៌មានអន្ដរជាតិ
ជប៉ុន សម្លាប់មាន់ជាង ១០ម៉ឺនក្បាល បន្ទាប់ពីផ្ទុះជំងឺផ្តាសាយបក្សី
ប្រទេសជប៉ុន បានរកឃើញការផ្ទុះឡើងនៃជំងឺផ្តាសាយបក្សីជាលើកដំបូង សម្រាប់រដូវរងាឆ្នាំ ២០២១ ដោយករណីជំងឺនេះ ត្រូវបានបញ្ជាក់ក្នុងកសិដ្ឋានបសុបក្សីមួយកន្លែង នៅភាគឦសានប្រទេស។
ក្រសួងកសិកម្មបានឲ្យដឹងនៅថ្ងៃពុធទី១០ខែវិច្ឆិកានេះថា សត្វមាន់ប្រហែល១៤៣,០០០ក្បាល កំពុងត្រូវបានសម្លាប់នៅកសិដ្ឋានក្នុងទីក្រុង Yokote នៃខេត្ត Akita។ ក្រសួងបន្ថែមថា តំបន់ហាមឃាត់ចម្ងាយរហូតដល់១០គីឡូម៉ែត្រ ពីកសិដ្ឋានត្រូវបានបង្កើតឡើង។
ក្រសួងបន្តថា “បើតាមស្ថានភាពបច្ចុប្បន្ននៅក្នុងប្រទេសជប៉ុន យើងមិនជឿថាមានលទ្ធភាពណាមួយនៃជំងឺគ្រុនផ្តាសាយបក្សីឆ្លងមកមនុស្សតាមរយៈការប្រើប្រាស់សាច់មាន់ ឬស៊ុតនោះទេ”។
ប៉ុន្តែការកើនឡើងនៃករណីឆ្លងទៅមនុស្សកាន់តែច្រើនក្នុងប្រទេសចិននៅឆ្នាំនេះ កំពុងក្លាយជាប្រភពនៃក្តីបារម្ភក្នុងចំណោមអ្នកជំនាញផ្នែករោគរាតត្បាត ជាពិសេសនៅពេលដែលពិភពលោកកំពុងធូរស្រាលពីជំងឺរាតត្បាតកូវីដ-១៩បន្តិចម្តងៗ។
ក្នុងឆ្នាំ ២០២១នេះ ប្រទេសចិនបានរាយការណ៍ពីការឆ្លងមេរោគផ្តាសាយបក្សី H5N6 មកមនុស្សចំនួន២១ករណី ទៅអង្គការសុខភាពពិភពលោក (WHO) បើធៀបនឹងឆ្នាំមុនដែលមានតែ ៥ ករណីប៉ុណ្ណោះ។ សម្រាប់ករណីឆ្នាំនេះ មានមនុស្សចំនួន៦នាក់បានស្លាប់ និងច្រើននាក់ទៀតធ្លាក់ខ្លួនឈឺធ្ងន់។
ការផ្ទុះឡើងនៃជំងឺគ្រុនផ្តាសាយបក្សី ក៏ត្រូវបានរាយការណ៍ផងដែរក្នុងរយៈពេលប៉ុន្មានថ្ងៃ និងសប្តាហ៍ថ្មីៗនេះនៅទ្វីបអឺរ៉ុប ដោយកសិដ្ឋានក្នុងប្រទេសប៉ូឡូញ គឺជាទីតាំងចុងក្រោយបំផុតដែលផ្ទុះការឆ្លង។
កាលពីរដូវរងាឆ្នាំមុន ប្រទេសជប៉ុនបានជួបប្រទះជំងឺផ្តាសាយរដូវរងាដ៏អាក្រក់បំផុត នៅក្នុងកសិដ្ឋាន ដោយសត្វមាន់ជាងបីលានក្បាលត្រូវបានសម្លាប់ និងមួយភាគបួននៃខេត្តរបស់ប្រទេសនេះត្រូវរងផលប៉ះពាល់៕
ប្រែសម្រួល៖ Vann Vann
ប្រភព៖ Asian One
ចុចអាន៖ ចិន ប្រកាសរកឃើញករណីឆ្លងវីរុសផ្តាសាយបក្សី H10N3 ពីសត្វទៅមនុស្ស លើកដំបូងលើលោក
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៧ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម២៤ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល