ថៃ ឲ្យបាងកក និងភូកេត ប្រុងប្រយ័ត្ន ភ្លៀងធ្លាក់ខ្លាំងកំពុងបង្កសីតុណ្ហភាពចុះត្រជាក់បំផុត

នាយកដ្ឋានឧតុនិយមរបស់ប្រទេសថៃ បាននិយាយនៅថ្ងៃនេះថា សម្ពាធទាបបានគ្របដណ្តប់លើភាគកណ្ដាល និង ភាគខាងត្បូងនៃប្រទេស ។ វាត្រូវបានគេរំពឹងថា នឹងរំកិលចុះមកគ្របដណ្ដប់លើសមុទ្រ Andaman ខណៈដែលខ្យល់មូសុងឦសាន ដែលមានកម្លាំងខ្លាំងក្លា កំពុងបោកបក់លើឈូងសមុទ្រថៃ និងភាគខាងត្បូង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាយកដ្ឋាននេះបាននិយាយថា “ប្រជាជនគួរតែប្រុងប្រយ័ត្ន ចំពោះស្ថានភាពធ្ងន់ធ្ងរ ដែល​អាចបណ្តាល​ឲ្យ​មានទឹកជំនន់ភ្លាមៗ និងការ​ហូរហៀរ។ អ្នករស់នៅតាមឈូងសមុទ្រ សូមប្រយ័ត្ន​ចំពោះ​ការកើនឡើងនៃ​ទឹកសមុទ្រ” ។

ទន្ទឹមនោះ ខ្យល់​បក់​ខ្លាំង ​បាន​បង្ខំ​ឲ្យ​មាន​រលក​កម្ពស់​ប្រហែល ​២ ​ម៉ែត្រ​នៅ​ឈូង​សមុទ្រ និង​សមុទ្រ​ Andaman​ ដែលបណ្ដាលឲ្យ​មាន​ភ្លៀង​ធ្លាក់​ មាន​កម្ពស់​ជាង ​៣ ​ម៉ែត្រ និង​មាន​ភ្លៀង​ធ្លាក់​ពី ​១​ ទៅ​ ២​ ម៉ែត្រ​ ។

ចំពោះ​ទីក្រុង​បាងកក និង​តំបន់​ជុំវិញ​ មាន​ពពក​ច្រើន​ជាមួយ​ភ្លៀង​ធ្លាក់​រាយប៉ាយ​។ សីតុណ្ហភាព​អប្បបរមា មានពី ២៤-២៦ អង្សាសេ សីតុណ្ហភាព​អតិបរមា មានពី ៣០-៣២ អង្សា​សេ ។​ ចំណែកភាគកណ្តាល មានសីតុណ្ហភាពអប្បបរមា ពី ២២-២៥ អង្សាសេ សីតុណ្ហភាពអតិបរមា ពី ២៩-៣២ អង្សាសេ។​

រីឯ ភាគខាងត្បូង (ឆ្នេរខាងលិច)​ មានផ្គរ រន្ទះ លាយលំជាមួយនឹងភ្លៀងធ្លាក់ខ្លាំង។ សីតុណ្ហភាពអប្បបរមា មានពី ២១-២៤ អង្សាសេ សីតុណ្ហភាពអតិបរមា មានពី ២៨-៣២ អង្សាសេ។ ដោយឡែក​ នៅភូកេត​ទៅ​ខាង​ត្បូង នឹងមានលក​កម្ពស់ ១-២ ម៉ែត្រ ឬ​ប្រហែល ២ ម៉ែត្រ ក្នុង​ពេល​មាន​ផ្គរ​រន្ទះ។

គួរបញ្ជាក់ថា ភ្លៀងអាចធ្លាក់ខ្លាំងនៅតំបន់ដាច់ស្រយាល ទំនងជាមានលើខេត្ត Phetchaburi, Prachuap Khiri Khan, Chumphon, Surat Thani, Nakhon Si Thammarat, Narathiwat, Ranong, Phanngga, Phuket និងខេត្ត Krabi ៕

ប្រែសម្រួល៖ សាង ស្រីល័ក្ខ

ប្រភព៖Nationthailand

ចុចអាន៖ថៃ ព្រមាន ក្រុងបាងកក នឹងជួបសីតុណ្ហភាពចុះត្រជាក់បំផុតដល់ ១ អង្សាសេ