ព័ត៌មានអន្ដរជាតិ
បើអ្នកបើកតាក់ស៊ី មិនចាក់សោរអ្នកបំផ្ទុះគ្រាប់បែក ក្នុងរថយន្ត អង់គ្លេសនឹងជួបការវាយប្រហារភេរវកម្ម (វីដេអូ)
ប្រទេសអង់គ្លេស បានធ្វើការចាប់ខ្លួនបុរសបីនាក់ ក្រោមច្បាប់ភេរវកម្ម បន្ទាប់ពីបុរសម្នាក់ត្រូវបានសម្លាប់ ក្នុងការបំផ្ទុះរថយន្តនៅខាងក្រៅមន្ទីរពេទ្យស្ត្រីទីក្រុង Liverpool។
ប៉ូលិសនិយាយថា មុនម៉ោង ០៦:០០ ល្ងាច (ម៉ោងនៅកម្ពុជា) រថយន្តតាក់ស៊ីមួយគ្រឿង បានឈប់ហើយក៏ផ្ទុះឡើង នាពេលបន្តិចក្រោយមក។
អ្នកដំណើរក្នុងរថយន្តបានស្លាប់នៅកន្លែងកើតហេតុ ខណៈបុរសជាអ្នកបើកបរត្រូវរបួស ហើយកំពុងសម្រាកព្យាបាលនៅមន្ទីរពេទ្យ។
មានសេចក្តីរាយការណ៍ថា អ្នកដំណើរដែលស្លាប់ក្នុងរថយន្តគឺជាអ្នកវាយប្រហារអត្តឃាត។ នៅពេលដែលអ្នកបើកតាក់ស៊ីឃើញគ្រឿងផ្ទុះ គាត់ក៏បានចាក់សោរអ្នកវាយប្រហារនៅក្នុងរថយន្ត មុនពេលការផ្ទុះកើតឡើង។
ក្រុមអ្នកស៊ើបអង្កេតមកពីកងប៉ូលិសប្រឆាំងភេរវកម្ម North West បាននិយាយថា បុរសបីនាក់ដែលមានអាយុ ២៩ឆ្នាំ ២៦ឆ្នាំនិង ២១ឆ្នាំត្រូវបានឃុំខ្លួននៅផ្លូវ Sutcliffe ក្នុងតំបន់ Kensington នៃទីក្រុង។
ពួកគេកំពុងបន្តរកឲ្យឃើញអំពីមូលហេតុនៃការផ្ទុះនេះ ហើយកំពុងធ្វើការជាមួយប៉ូលិស Merseyside ខណៈដែលការស៊ើបអង្កេតនៅតែបន្តក្នុងល្បឿនដ៏លឿន។
ស្របពេលជាមួយគ្នានោះដែរ មន្ត្រីប្រដាប់អាវុធបានធ្វើការវាយឆ្មក់លើអគារមួយនៅតាមបណ្តោយផ្លូវ Rutland ក្បែរឧទ្យាន Sefton Park និងផ្លូវ Boaler ក្នុងតំបន់ Kensington ផងដែរ។
ទោះបីជាយ៉ាងណាក៏ដោយ ប៉ូលិសមិនបានបញ្ជាក់ថាតើការវាយឆ្មក់នោះពាក់ព័ន្ធនឹងការបំផ្ទុះនៅមន្ទីរពេទ្យឬក៏យ៉ាងនោះណាទេ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ BBC
ចុចអាន៖ ២០ឆ្នាំនៅតែឈឺចាប់៖ ជីកកកាយ មូលហេតុដែល អាល់កៃដា វាយប្រហារភេរវកម្ម លើ អាមេរិក
-
ព័ត៌មានជាតិ៥ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៣ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ១ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៥ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានជាតិ៤ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានជាតិ៦ ថ្ងៃ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានអន្ដរជាតិ៦ ថ្ងៃ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានអន្ដរជាតិ៤ ថ្ងៃ agoប្រធានាធិបតីអ៊ីរ៉ង់ ប្រាប់ត្រាំថា គ្មានសិទ្ធិដកហូតនុយក្លេអ៊ែរអ៊ីរ៉ង់ ទេ