លោក ស៊ី និយាយថា ចិន មិនបង្ខិតបង្ខំប្រទេសតូចៗទេ (មានវីដេអូ)

លោកប្រធានាធិបតី ស៊ី ជីនពីង បានប្រាប់មេដឹកនាំនៃសមាគមប្រជាជាតិអាស៊ីអាគ្នេយ៍ (អាស៊ាន) ក្នុងកិច្ចប្រជុំកំពូលនៅថ្ងៃចន្ទនេះថា ទីក្រុងប៉េកាំង នឹងមិនបង្ខិតបង្ខំប្រទេសតូចៗនៅជិតខាងក្នុងតំបន់នោះទេ។

យោងតាមប្រព័ន្ធផ្សព្វផ្សាយរដ្ឋបានឲ្យដឹងថា កិច្ចប្រជុំកំពូល ចិន-អាស៊ាន ដែលត្រូវបានធ្វើឡើងដើម្បីប្រារព្ធខួប៣០ឆ្នាំនៃការសន្ទនា គឺនឹងជួយដល់សន្តិភាព ស្ថិរភាព និងការអភិវឌ្ឍក្នុងតំបន់។

លោក ស៊ី និយាយថា ប្រទេសចិននឹងមិនស្វែងរកអនុត្តរភាព ឬទាញយកផលប្រយោជន៍ពីទំហំរបស់ខ្លួនដើម្បីសម្លុតប្រទេសតូចៗទេ ហើយនឹងធ្វើការជាមួយអាស៊ានដើម្បីលុបបំបាត់ការជ្រៀតជ្រែក។

កិច្ចប្រជុំកំពូលនេះ បានចាប់ផ្តើមដោយគ្មានវត្តមានតំណាងមីយ៉ាន់ម៉ា។ មូលហេតុនៃការមិនចូលរួមនេះ មិនទាន់ច្បាស់ភ្លាមៗទេ ហើយអ្នកនាំពាក្យរដ្ឋាភិបាលយោធាមីយ៉ាន់ម៉ា ក៏មិនបានឆ្លើយតបការហៅទូរស័ព្ទសុំការអត្ថាធិប្បាយដែរ។

គួររម្លឹកឡើងវិញថា មេដឹកនាំយោធាមីយ៉ាន់ម៉ា លោក Min Aung Hlaing ត្រូវបានដកចេញពីកិច្ចប្រជុំកំពូលក្នុងតំបន់កាលពីខែតុលា៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Reuters

ចុចអាន៖ សម្ដេចតេជោ ហ៊ុន សែន ៖ កម្ពុជាសូមលើកទឹកចិត្តឲ្យអាស៊ាន-ចិន បន្តពង្រឹងការតភ្ជាប់ក្នុងតំបន់