ប្រុងប្រយ័ត្ន! វីរុសកូវីដបំប្លែងខ្លួន Omicron ឆ្លងសាហាវជាង Delta រហូតដល់ ៥ ដង (មានវីដេអូ)

យោងតាមការចុះផ្សាយរបស់សារព័ត៌មានកូរ៉េខាងត្បូង Yonhap បានឲ្យដឹងថា វីរុសកូវីដបំប្លែងខ្លួនថ្មី Omicron មានអត្រាឆ្លងច្រើនជាងវីរុសបំប្លែងខ្លួនឥណ្ឌា Delta រហូតដល់ទៅ ៥ ដង ។

ក្រុមអ្នកស្រាវជ្រាវមកពីមន្ទីរពេទ្យ Bambino Gesu នៅទីក្រុង Rome ប្រទេសអ៊ីតាលីបាននិយាយនៅក្នុងសេចក្ដីថ្លែងការណ៍មួយថា “យើងសូមបង្ហាញរូបភាពមួយសន្លឹកដែលមើលទៅដូចជាផែនទី ។ យើងអាចមើលឃើញយ៉ាងច្បាស់ថា វីរុសបំប្លែងខ្លួន Omicron បង្ហាញពីការវិវត្តច្រើនជាងវីរុសបំប្លែងខ្លួនឥណ្ឌា Delta” ។

ក្រុមអ្នកស្រាវជ្រាវបាននិយាយថា “វីរុស Omicron ឆ្លងច្រើនជាងវីរុស Delta ចំនួន ៥ ដង ហើយវីរុសនេះបានប្រមូលផ្តុំផ្នែកខាងលើទាំងអស់នៅក្នុងតំបន់មួយនៃប្រូតេអ៊ីនដែលមានអន្តរកម្មជាមួយកោសិកាមនុស្ស” ។

រូបភាព​នេះ​ត្រូវ​បាន​ផលិត​ចេញ​ពី​ការ​សិក្សា​​លំដាប់​នៃវីរុសបំប្លែងខ្លួន​ថ្មី​នេះមក​ពី​ប្រទេស​បុតស្វាណា អាហ្វ្រិក​ខាង​ត្បូង និង​ហុងកុង ។

គួរបញ្ជាក់ថា Omicron គឺជាវីរុសកូវីដបំប្លែងខ្លួនទី ៧ ហើយដែលពិភពលោកកំពុងភ័យខ្លាចរាលដាលខ្លាំង បន្ទាប់ពីវីរុសបំប្លែងខ្លួន Alpha, Belta, Delta, Gamma, Lambda និងវីរុស Lota ហើយវាហើយមានការវិវត្តច្រើនមិនធម្មតា ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ Yonhap/Alarabiya

ចុចអាន ៖ ប្រទេសអាស៊ាន ៨ ហើយហាមឃាត់អ្នកដំណើរមកពីអាហ្វ្រិកខាងត្បូង ដោយសារវីរុស Omicron