ព័ត៌មានអន្ដរជាតិ
លោក ប្រាយុទ្ធ ប្ដេជ្ញាការពារមិនឲ្យវីរុស Omicron ចូលទឹកដី ថៃ
នាយករដ្ឋមន្ត្រីថៃបានជំរុញសាធារណជនកុំឲ្យមានការភិតភ័យ ប៉ុន្តែត្រូវរក្សាការប្រុងប្រយ័ត្នចំពោះវីរុសបំប្លែងខ្លួនថ្មី Omicron ។ នេះបើយោងតាមអ្នកនាំពាក្យរដ្ឋាភិបាលលោក Thanakorn Wangboonkongchana ។
លោកបានបន្ថែមថា លោកនាយករដ្ឋមន្ត្រី ប្រាយុទ្ធ ចាន់អូចា ក៏បានលើកទឹកចិត្តប្រជាជនចាក់វ៉ាក់សាំងឲ្យបានពេញលេញ ដើម្បីបង្កើនភាពស៊ាំក្នុងសហគមន៍ និងធានាសុវត្ថិភាពរបស់មនុស្សគ្រប់គ្នា ព្រោះថា ពេលនេះវ៉ាក់សាំងគឺមានគ្រប់គ្រាន់មានសម្រាប់ប្រជាជនថៃទាំងអស់ ។
ខណៈដែលភ្ញៀវទេសចរបរទេសនៅ តែបន្តសម្រុកចូលមកក្នុងប្រទេសនោះ លោកនាយករដ្ឋមន្ត្រីបានណែនាំដល់ភ្នាក់ងារពាក់ព័ន្ធក្នុងវិស័យសុខាភិបាលសាធារណៈ សន្តិសុខជាតិ ការដឹកជញ្ជូន និងទេសចរណ៍ ឲ្យមានការប្រុងប្រយ័ត្នខ្ពស់ និងត្រួតពិនិត្យអ្នកដំណើរ ដើម្បីការពារកុំឲ្យឆ្លងវីរុសកូវីដបំប្លែងខ្លួនចូលមកប្រទេសថៃ ។
លោក Thanakorn បានឲ្យដឹងថា “យើងនឹងធ្វើអ្វីគ្រប់យ៉ាងដែលយើងអាចធ្វើបានក្នុងនាមជារដ្ឋាភិបាលមួយដើម្បីការពារវីរុស Omicron មិនឲ្យរីករាលដាលចូលទៅ ក្នុងប្រទេសថៃ ។ រដ្ឋាភិបាលកំពុងស្វែងរកផែនការដើម្បីពន្លឿនការចាក់វ៉ាក់សាំងដល់មនុស្សគ្រប់រូប ។
គួរបញ្ជាក់ថា បច្ចុប្បន្នវីរុសកូវីដបំប្លែងខ្លួនថ្មីនេះត្រូវបានគេរកឃើញនៅ ក្នុងប្រទេសជាច្រើននៅ ទូទាំងទ្វីបអឺរ៉ុប ក៏ដូចជាតំបន់មួយចំនួននៅ អាស៊ី រួមទាំងកូរ៉េខាងត្បូង ជប៉ុន សិង្ហបុរី និងម៉ាឡេស៊ីជាដើម ហើយការបិទខ្ទប់ក៏ត្រូវបានដាក់ឲ្យអនុវត្តក្នុងប្រទេសមួយចំនួនផងដែរ ខណៈជប៉ុនបានហាមប្រាមជនបរទេសទាំងអស់មិនឲ្យចូលក្នុងប្រទេសឡើយ ៕
ប្រែសម្រួលដោយ ៖ ជីវ័ន្ត
ប្រភព ៖ Thaiger
ចុចអាន ៖ ថៃ បន្តតាមរកទេសចរអាហ្វ្រិក ជាង១០០នាក់ មកធ្វើតេស្តរក Omicron
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង