ព័ត៌មានអន្ដរជាតិ

ប្រុងប្រយ័ត្ន! ប្រទេសអាស៊ាន ២ ហើយរកឃើញវីរុសបំប្លែងខ្លួន Omicron

បានផុស

៥ years មុន

នៅ

ថ្ងៃចន្ទ ៦ ធ្នូ ២០២១

ដោយ

រហូតមកដល់ពេលនេះវីរុសបំប្លែងខ្លួន Omicron ដែលត្រូវបានរកឃើញដំបូងនៅ អាហ្វ្រិកខាងត្បូងបានរាលដាលដល់ប្រទេសអាស៊ានចំនួន ២ ហើយ ក្នុងនោះមានសិង្ហបុរី និងម៉ាឡេស៊ី ។

សិង្ហបុរីបានរកឃើញករណីវិជ្ជមានវីរុសបំប្លែងខ្លួន Omicron លើអ្នកដំណើរ ២ នាក់មកពីប្រទេសអាហ្វ្រិកខាងត្បូងដែលបានប្តូរជើងហោះហើរនៅ ប្រទេសសិង្ហបុរីទៅ ទីក្រុងស៊ីដនីប្រទេសអូស្ត្រាលី ។

អ្នកដំណើរបានទៅ ដល់ទីក្រុងស៊ីដនីតាមរយៈក្រុមហ៊ុនអាកាសចរណ៍ Singapore Airlines SQ211 ដែលបានចេញដំណើរពីប្រទេសសិង្ហបុរីវេលាម៉ោង ១០ និង ៣០នាទីព្រឹកថ្ងៃអាទិត្យ ទី២៨ ខែវិច្ឆិកា និងបានទៅ ដល់ទីក្រុងស៊ីដនី វេលាម៉ោង ៩ និង ២០ នាទីយប់ថ្ងៃដដែលនោះ ។

ចំណែកប្រទេសម៉ាឡេស៊ីបានរកឃើញករណីដំបូងនៃវីរុសបំប្លែងខ្លួន Omicron លើនិស្សិតបរទេសមកពីអាហ្វ្រិកខាងត្បូង ហើយបានប្ដូរជើងហោះហើរតាមរយៈប្រទេសសិង្ហបុរី និងមកដល់ម៉ាឡេស៊ី កាលពីថ្ងៃទី ១៩ ខែវិច្ឆិកា ។

សារព័ត៌មាន Malaysiakini បានរាយការណ៍ថា បច្ចុប្បន្ននិស្សិតរូបនោះ កំពុងស្ថិតក្រោមការធ្វើចត្តាឡីស័ក រួមជាមួយមនុស្ស ៥ នាក់ផ្សេងទៀត ដែលជិះរថយន្តក្រុងរួមគ្នា ពីទីក្រុងគូឡាឡាំពួ ទៅ កាន់ទីក្រុង Ipoh រដ្ឋ Perak ។

គួរបញ្ជាក់ថា ទាំងម៉ាឡេស៊ី និងសិង្ហបុរី សុទ្ធតែដាក់ការរឹតបន្តឹង និងហាមប្រាមអ្នកដំណើរមកពីប្រទេសអាហ្វ្រិកចំនួន ៨ ដូចជា បុតស្វាណា អង់ហ្គោឡា អេស្វាទីនី ឡេសូតូ ម៉ូសំប៊ិក ណាមីប៊ី អាហ្វ្រិកខាងត្បូង និងស៊ីមបាវ៉េ ៕

អត្ថបទ ៖ ជីវ័ន្ត

ចុចអាន ៖ ទិន្នន័យថ្មី អត្រាចាក់វ៉ាក់សាំងកូវីដបណ្ដាប្រទេស អាស៊ាន ខណៈ កម្ពុជា ឈរនៅ លំដាប់ទី ៣