មេ WHO ថ្កោលទោសប្រទេសនានារឹតបន្តឹងការធ្វើដំណើរពីអាហ្វ្រិក ដោយសារ Omicron (មានវីដេអូ)
Connect with us

ព័ត៌មានអន្ដរជាតិ

មេ WHO ថ្កោលទោសប្រទេសនានារឹតបន្តឹងការធ្វើដំណើរពីអាហ្វ្រិក ដោយសារ Omicron (មានវីដេអូ)

បានផុស

នៅ

អគ្គនាយកអង្គការសុខភាពពិភពលោក (WHO) លោក Tedros Adhanom កាលពីថ្ងៃអាទិត្យបានថ្កោលទោសប្រទេសនានាដែលបានដាក់ការរឹតត្បិតការធ្វើដំណើរលើអ្នកដំណើរមកពីអាហ្វ្រិកខាងត្បូងដោយសារតែការលេចចេញនូវវីរុសកូវីដបំប្លែងខ្លួន Omicron ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Tedros បាននិយាយថា ចាប់តាំងពីអ្នកវិទ្យាសាស្ត្រអាហ្រ្វិកខាងត្បូងកំណត់អត្តសញ្ញាណវីរុសបំប្លែងខ្លួននេះ បច្ចុប្បន្នវាត្រូវបានគេរកឃើញនៅ ក្នុងប្រទេសជាច្រើនជុំវិញពិភពលោក ។

ទន្ទឹមនោះរបាយការណ៍ចុងក្រោយបង្ហាញថា Omicron មានវត្តមានរួចទៅ ហើយនៅ ក្នុងទ្វីបអឺរ៉ុប មុនពេលការហាមឃាត់ការធ្វើដំណើរត្រូវបានប្រកាស ។

ស្របពេលជាមួយគ្នានេះ លោក Tedros បានសរសេរនៅ លើបណ្ដាញ Twitter ថា “វានៅ តែជាការខកចិត្តដែលប្រទេសមួយចំនួនបន្តបិទជើងហោះហើរត្រង់ពីភាគខាងត្បូងនៃទ្វីបអាហ្រ្វិក ដោយសារវីរុស Omicron” ។

លោកបាននិយាយថា “វាក៏គួរឲ្យសោកស្តាយផងដែរ ដែលប្រទេសមួយចំនួនមិនទទួលយកការធ្វើតេស្តអវិជ្ជមានពីប្រទេសដើម ហើយជំនួសមកវិញតម្រូវឲ្យមានការធ្វើតេស្តពីប្រទេសទី ៣ ទៅ វិញ” ។

គួរបញ្ជាក់ថា ប្រទេសដែលដាក់ការរឹតត្បិតលើការធ្វើដំណើរខ្លាំងជាងគេ រួមមានសហរដ្ឋអាមេរិក ដែលបានរារាំងអ្នកធ្វើដំណើរមកពីអាហ្វ្រិកខាងត្បូង បុតស្វាណា ស៊ីមបាវ៉េ ណាមីប៊ី ឡេសូតូ អេស្វាទីនី ម៉ូសំប៊ិក និងម៉ាឡាវី ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ CGTN

ចុចអាន ៖ ប្រុងប្រយ័ត្ន! ប្រទេសអាស៊ាន ២ ហើយរកឃើញវីរុសបំប្លែងខ្លួន Omicron

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម