ព័ត៌មានអន្ដរជាតិ
ដំណើររឿង បុរសអាមេរិក ដែលនាំ Omicron ចូលប្រទេស ថៃ
កាលពីថ្ងៃចន្ទទី៧ខែធ្នូម្សិលមិញនេះ ប្រទេសថៃ បានប្រកាសរកឃើញករណីដំបូងនៃវីរុសបំប្លែងខ្លួន Omicron នៅក្នុងខ្លួនជនជាតិអាមេរិកម្នាក់ ដែលបានធ្វើដំណើរចូលប្រទេសនេះ ពីអេស្ប៉ាញកាលពីចុងខែមុន។
អគ្គនាយកនៃនាយកដ្ឋានគ្រប់គ្រងជំងឺឆ្លង លោក Opas Karnkawinpong បានប្រាប់សន្និសីទសារព័ត៌មានមួយថា ករណីនៅក្នុងខ្លួនបុរសដែលបានមកដល់កាលពីថ្ងៃទី២៩ខែវិច្ឆិកា បានធ្វើឲ្យថៃ ក្លាយជាប្រទេសទី៤៧ដែលបានរកឃើញវីរុសបំប្លែងខ្លួនថ្មីនេះ។
លោក Opas និយាយថា “ករណីដែលបានបញ្ជាក់ជាលើកដំបូងនៃវីរុស Omicron គឺជាបុរសអាយុ៣៥ឆ្នាំ ដែលជាពលរដ្ឋអាមេរិក រស់នៅក្នុងប្រទេសអេស្ប៉ាញអស់រយៈពេលមួយឆ្នាំមកហើយ។ ទោះបីជាយ៉ាងណាក៏ដោយ អ្នកជំងឺមានរោគសញ្ញាស្រាល”។
ខាងក្រោមនេះគឺជាដំណើររឿងរបស់បុរសដែលនាំមេរោគបំប្លែងខ្លួន Omicron ចូលប្រទេសថៃ៖
• ថ្ងៃទី២៨ខែមិថុនា៖ អ្នកជំងឺបានទទួលការចាក់វ៉ាក់សាំង Johnson & Johnson មួយដូសនៅសហរដ្ឋអាមេរិក។
• ថ្ងៃទី២៨ខែវិច្ឆិកា៖ អ្នកជំងឺឆ្លងកាត់ការធ្វើតេស្ត RT-PCR នៅប្រទេសអេស្ប៉ាញ ហើយទទួលបានលទ្ធផលអវិជ្ជមាន។ ក្រោយមក អ្នកជំងឺបានញ៉ាំអាហារពេលល្ងាចជាមួយមិត្តភក្តិម្នាក់ ដែលមិនបានធ្វើតេស្តវិជ្ជមាន (គិតត្រឹមម៉ោងផ្សាយព័ត៌មាននេះ)។
• ថ្ងៃទី២៩ខែវិច្ឆិកា៖ អ្នកជំងឺជិះយន្តហោះចេញពីប្រទេសអេស្ប៉ាញ ទៅកាន់ទីក្រុងឌូបៃ សម្រាប់ការស្នាក់នៅរយៈពេលប្រាំបួនម៉ោង ហើយអះអាងថា បានពាក់ម៉ាសគ្រប់ពេល។
• ថ្ងៃទី៣០ខែវិច្ឆិកា៖ មកដល់ទីក្រុងបាងកក នៅប្រហែលពាក់កណ្តាលអធ្រាត្រ, ឆ្លងកាត់ការធ្វើតេស្តនៅមន្ទីរពេទ្យ និងធ្វើដំណើរទៅសណ្ឋាគារ។
• ថ្ងៃទី១ខែធ្នូ៖ អ្នកជំងឺធ្វើតេស្តវិជ្ជមាន ហើយត្រូវបានបញ្ជូនទៅមន្ទីរពេទ្យ បើទោះបីជាមិនមានរោគសញ្ញាក៏ដោយ។
• ថ្ងៃទី៣ខែធ្នូ៖ សំណាកត្រូវបានបញ្ជូនទៅនាយកដ្ឋានវិទ្យាសាស្ត្រវេជ្ជសាស្ត្រ និងបញ្ជាក់ថាជាវីរុសបំប្លែងខ្លួន Omicron៕
ប្រែសម្រួល៖ Vann Vann
ប្រភព៖ Nation
ចុចអាន៖ ថៃ ទើបអះអាង Omicron មិនអាចចូលបាន ពេលនេះលោក ប្រាយុទ្ធ និយាយបែបណាវិញ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ