ព័ត៌មានអន្ដរជាតិ
អាមេរិក អនុម័តច្បាប់ហាមឃាត់ការនាំចូលទំនិញផលិតពីកម្លាំងពលកម្ម ដោយបង្ខំរបស់ ចិន
សភាតំណាងរាស្រ្តអាមេរិកបានអនុម័តច្បាប់មួយហាមប្រាមការនាំចូលទំនិញដែលផលិតដោយកម្លាំងពលកម្មដោយបង្ខំពីខេត្ត Xinjiang របស់ចិន និងគំរាមកំហែងដាក់ទណ្ឌកម្មប្រឆាំងនឹងមន្ត្រីចិនដែលទទួលខុសត្រូវចំពោះថាធ្វើទុក្ខបុកម្នេញជនជាតិភាគតិចមូស្លីមក្នុងតំបន់ ។
គោលដៅ នៃច្បាប់ដែលទទួលបានសំឡេងគាំទ្រ ៤២៨ ទល់នឹង ១ សំឡេង និងត្រូវបានអនុម័តកាលពីថ្ងៃពុធគឺដើម្បីធានាថា “ទំនិញដែលផលិតដោយកម្លាំងពលកម្មដោយបង្ខំនៅ ក្នុងតំបន់ស្វយ័ត Xinjiang Uyghur នៃសាធារណៈរដ្ឋប្រជាមានិតចិន គឺមិនឲ្យចូលទៅ ក្នុងទីផ្សារសហរដ្ឋអាមេរិកទេ” ។
ច្បាប់នេះកំណត់គោលដៅ លើ “របស់របរប្រដាប់ប្រដា វត្ថុ និងទំនិញដែលនាំចូលដោយផ្ទាល់ពីតំបន់ស្វយ័ត Xinjiang Uyghur ឬផលិតដោយជនជាតិអ៊ុយហ្គ័រ កាហ្សាក់ស្ថាន កៀហ្ស៊ីស៊ីស្ថាន ទីបេ ឬសមាជិកនៃក្រុមរងការបៀតបៀនផ្សេងទៀតនៅ ក្នុងប្រទេសចិន” ។
លើសពីនេះ ច្បាប់នេះតម្រូវឲ្យប្រធានាធិបតីអាមេរិកដាក់ទណ្ឌកម្មលើមន្ត្រីដែលទទួលខុសត្រូវចំពោះការបៀតបៀនជនជាតិភាគតិច និងសម្រួលដល់ការប្រើប្រាស់កម្លាំងពលកម្មដោយមិនស្ម័គ្រចិត្ត ។
នៅ ក្នុងឯកសារច្បាប់នីតិប្បញ្ញត្តិរបស់អាមេរិកបានចោទប្រកាន់ប្រទេសចិនពីបទដាក់ពន្ធនាគារតាមអំពើចិត្តលើជនជាតិអ៊ុយហ្គ័រ កាហ្សាក់ស្ថាន កៀហ្ស៊ីស៊ីស្ថាន និងសមាជិកនៃក្រុមជនជាតិភាគតិចមូស្លីមផ្សេងទៀតនៅ ក្នុងប្រព័ន្ធនៃជំរំឃុំឃាំងក្រៅ ប្រព័ន្ធតុលាការដល់ទៅ ១.៨ លាននាក់ ។
ច្បាប់បាននិយាយថា អ្នកទោសត្រូវបានបង្ខំឲ្យផលិតវាយនភណ្ឌ គ្រឿងអេឡិចត្រូនិក ផលិតផលអាហារ ស្បែកជើង តែ និងសិប្បកម្មផ្សេងៗនៅ បណ្តាញរោងចក្រដែលឧបត្ថម្ភដោយរដ្ឋាភិបាលនៅ ខេត្ត Xinjiang និងកន្លែងផ្សេងទៀតក្នុងប្រទេសចិន ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ អាមេរិក ប្រកាសធ្វើពហិការការទូត មិនចូលរួម អូឡាំពិករដូវរងានៅ ប៉េកាំង (មានវីដេអូ)
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ២ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ