ហេតុតែចង់ប្លែកពីគេ ពិធីមង្គលការនៅឥណ្ឌា ឲ្យកូនកំលោះកូនក្រមុំ ឈរលើទោងហោះ ស្រាប់តែដាច់ ធ្លាក់លើឆាក

កូនក្រមុំ និងកូនកំលោះមួយគូ បានធ្លាក់មកលើឆាក នៅពេលទោងដែលពួកគេកំពុងឈរ ​បានដាច់អំឡុងពិធីអាពាហ៍ពិពាហ៍ដ៏អស្ចារ្យរបស់ពួកគេ នៅភាគកណ្តាលប្រទេសឥណ្ឌា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះកើតឡើង នៅពេលទោងរបស់ កូនកំលោះនិងកូនក្រមុំ កំពុងត្រូវបានស្ទូចឡើងទៅលើ ហើយអមដោយការបាញ់កាំជ្រួចនៅឯពិធីក្នុងទីក្រុង Raipur នៃរដ្ឋ Chhattisgarh។

វីដេអូដែលថតបានកាលពីល្ងាចថ្ងៃសៅរ៍ បានបង្ហាញនូវពេលវេលាដ៏គួរឲ្យរន្ធត់ ដែលទោងរបស់កូនកំលោះនិងកូនក្រមុំ ដាច់ខ្សែហើយអ្នកទាំងពីរធ្លាក់ទៅលើឆាក នៅចំពោះមុខភ្ញៀវដែលចូលរួមពិធីមង្គលការ។

សំណាង​ល្អ ​ទាំងកូនកំលោះនិងកូនក្រមុំ សុទ្ធតែ​រង​របួស​ស្រាល ហើយពិធីបានដំណើរការឡើងវិញនៅ ៣០នាទីក្រោយ។

យោងតាមរបាយការណ៍បានឲ្យដឹងថា ពុំមានការប្តឹងផ្តល់អ្វីឡើយ ហើយក្រុមហ៊ុនគ្រប់គ្រងព្រឹត្តិការណ៍ បានសុំទោសចំពោះឧប្បត្តិហេតុនេះ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ រឿងចម្លែក! ទារកកើតមកមានក្បាលដល់ទៅ៣ ប្រជាជននាំគ្នាហៅថា “ព្រះចាប់កំណើត”