ព័ត៌មានអន្ដរជាតិ
ចិន អះអាងយកឈ្នះអាមេរិក អភិវឌ្ឍមីស៊ីលល្បឿនលឿនជាងសំឡេងជំនាន់ថ្មី វាយប្រហារគ្រប់កន្លែងលើផែនដី ត្រឹមប៉ុន្មាននាទី
ប្រទេសចិនអះអាងថា ខ្លួនបានយកឈ្នះសហរដ្ឋអាមេរិក ក្នុងការអភិវឌ្ឍន៍មីស៊ីលល្បឿនលឿនជាងសំឡេងជំនាន់ថ្មី ដែលអាចវាយប្រហារគោលដៅនានា រួមទាំងនាវាផ្ទុកយន្តហោះ និងយានជំនិះដែលកំពុងបន្លាស់ទីផងដែរ។
ការអភិវឌ្ឍន៍ដែលទំនងជានឹងបន្ថែមកម្តៅដល់ការប្រកួតប្រជែងសព្វាវុធរវាងចិន អាមេរិក និងរុស្ស៊ីនេះ បានកើតឡើងបន្ទាប់ពីទីក្រុងប៉េកាំងបដិសេធថា ខ្លួនមិនបានធ្វើតេស្ដមីស៊ីលល្បឿនលឿនជាងសំឡេងផ្ទុកក្បាលគ្រាប់នុយក្លេអ៊ែរក្នុងខែសីហាទេ។
មីស៊ីលដែលហោះជុំវិញភពផែនដី បានបង្កជាក្តីព្រួយបារម្ភក្នុងចំណោមមន្ត្រីនៅសហរដ្ឋអាមេរិក ប៉ុន្តែចិនបានទទូចថា ការបាញ់បង្ហោះមីស៊ីលគឺសម្រាប់យានអវកាសប៉ុណ្ណោះ។
យ៉ាងណាក្តី ឥឡូវនេះអ្នកស្រាវជ្រាវមកពីសាកលវិទ្យាល័យបច្ចេកវិទ្យាការពារជាតិរបស់ប្រទេសចិនបានអះអាងថា ចិនបានបង្កើតបច្ចេកវិទ្យា ដែលមានសមត្ថភាពនាំមីស៊ីលល្បឿនលឿនជាងសំឡេង ស្វែងរកគោលដៅដោយផ្អែកលើកម្តៅរបស់វា។
យោងតាមការស្រាវជ្រាវដែលដកស្រង់ដោយកាសែត South China Morning Post, អ្នកវិទ្យាសាស្ត្រឈានមុខ លោកសាស្ត្រាចារ្យ Yi Shihe បានអះអាងនៅក្នុងឯកសារវិទ្យាសាស្ត្រមួយ ដែលបោះពុម្ពផ្សាយកាលពីខែមុនថា ប្រទេសចិនបានទទួលជោគជ័យក្នុងការទម្លាយរបកគំហើញបច្ចេកវិទ្យាស្នូល ដែលត្រូវបានបញ្ជាក់ថាមានប្រសិទ្ធភាពក្នុងការធ្វើតេស្ត។
ប្រសិនបើជាការពិតមែននោះ វាមានន័យថា ប្រទេសចិនអាចយកឈ្នះលើឧបសគ្គក្នុងការអភិវឌ្ឍន៍ប្រព័ន្ធស្វែងរកកម្តៅ ដែលមានសមត្ថភាពហោះហើរក្នុងល្បឿនលឿនជាងសំឡេង។
គួរបញ្ជាក់ថា មីស៊ីលល្បឿនលឿនជាងសំឡេង អាចហោះហើរក្នុងល្បឿនរហូតដល់ ៣៣,៧៩៦ គីឡូម៉ែត្រក្នុងមួយម៉ោង ហើយអាចវាយប្រហារគ្រប់ទីកន្លែងនៅលើផែនដីពីលំហ ក្នុងរយៈពេលតែប៉ុន្មាននាទីប៉ុណ្ណោះ៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ ចិន មិនខ្លាចប្រឈមមុខជាមួយអាមេរិកឡើយ ហើយនឹងប្រយុទ្ធដល់ទីបញ្ចប់
-
ព័ត៌មានជាតិ៥ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៣ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានជាតិ៥ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ១ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៧ ថ្ងៃ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានជាតិ៥ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានអន្ដរជាតិ៦ ថ្ងៃ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានអន្ដរជាតិ៤ ថ្ងៃ agoប្រធានាធិបតីអ៊ីរ៉ង់ ប្រាប់ត្រាំថា គ្មានសិទ្ធិដកហូតនុយក្លេអ៊ែរអ៊ីរ៉ង់ ទេ