ប្រជាជនចិនផ្អើលទៅមើលបាតុភូតចម្លែកនៅទន្លេ Taoer (មានវីដេអូ)

អ្នករស់នៅក្នុងទីក្រុងភាគខាងជើងប្រទេសចិនបាននាំគ្នាទៅមើលថាសទឹកកកដ៏ធំមួយកំពុងវិលនៅលើទន្លេដែលជាបាតុភូតធម្មជាតិដ៏កម្រមួយដែលកើតឡើងនៅក្នុងអាកាសធាតុត្រជាក់ ។

រូបភាពដែលមិនគួរឲ្យជឿបង្ហាញពីរង្វង់ទឹកកកដែលមានអង្កត់ផ្ចិត ១០ ម៉ែត្រ កំពុងវិលលើផ្ទៃទឹកទន្លេ Taoer នៅទីក្រុង Ulanhot ជាទីក្រុងមួយរបស់តំបន់ស្វយ័ត Inner Mongolia ដែលមានសីតុណ្ហភាពរដូវរងារជាមធ្យមដក ៦ អង្សាសេ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភាពកម្រមានគួរឲ្យចាប់ចិត្តនៅក្នុងទន្លេត្រូវបានបង្កើតឡើងដោយសារតែការពន្លឿននៃល្បឿនទឹកដែលបំបែកដុំទឹកកក ហើយធ្វើឲ្យវាប្រមូលផ្ដុំទៅជារង្វង់ ។

វីដេអូដែលថតនៅថ្ងៃពុធនេះដោយកាសែតក្នុងស្រុក Xing’an Daily បង្ហាញពីថាសទឹកកកដែលបង្កើតឡើងដោយធម្មជាតិមានអង្កត់ផ្ចិត ១០ ម៉ែត្រកំពុងវិលដោយខ្លួនវាក្នុងទិសដៅបញ្ច្រាសទិស ។

យោងទៅតាមការសិក្សារបស់ទូរទស្សន៍ National Geographic បានឲ្យដឹងថា ឥទ្ធិពលទឹកគួចធ្វើឲ្យផ្ទាំងទឹកកករលាយយឺតៗរហូតដល់គែមរបស់វារលោង ហើយរូបរាងទាំងមូលរបស់វាមានរាងមូលល្អឥតខ្ចោះ ។

អ្វីដែលពិសេសនោះថាសទឹកកកនេះថែមទាំងវិលនៅក្នុងទឹកដែលមិនមានចលនា ដោយសារទឹកកកធ្វើឲ្យសីតុណ្ហភាពទឹកនៅជុំវិញនោះថយចុះដោយធ្វើឲ្យវាកាន់តែក្រាស់ ហើយបណ្តាលឲ្យវាអណ្ដែតបង្កើតចលនារាងជារង្វង់តែម្ដង ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ Daily Mail

ចុចអាន ៖ ប្រទេសអ្នកមានកំពុងសម្រុកទិញវ៉ាក់សាំងកូវីដទុក ធ្វើឲ្យប្រទេសអ្នកក្រជួបហានិភ័យ

ចុចអាន ៖ FDA បញ្ចេញលទ្ធផលសុវត្ថិភាពនៃវ៉ាក់សាំងកូវីដ របស់ក្រុមហ៊ុន Pfizer/BioNTech