ព័ត៌មានអន្ដរជាតិ

ទាំងព្រលឹម កូរ៉េខាងជើងបាញ់មីស៊ីលប្លាស្ទិកទៀតហើយ

បានផុស

៤ years មុន

នៅ

ថ្ងៃអង្គារ ១១ មករា ២០២២

ដោយ

ឆ្មាំសមុទ្រជប៉ុនបាននិយាយថា ប្រទេសកូរ៉េខាងជើងបានបាញ់នូវអ្វីដែលប្រហែលជាមីស៊ីលប្លាស្ទិកនាថ្ងៃអង្គារ៍ ទី១១ ខែមករានេះ ដែលជាការបាញ់លើកទី២ក្នុងរយៈពេលមិនដល់មួយសប្តាហ៍ផង បន្ទាប់ពីមេដឹកនាំប្រទេសនេះជំរុញឲ្យយោធាបង្កើនសមត្ថភាពបន្ថែមទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កងកម្លាំងយោធាកូរ៉េខាងត្បូងក៏បានបញ្ជាក់ពីការបាញ់កាំជ្រួចនេះដែរ ប៉ុន្តែមិនបានបញ្ជាក់លំអិតពីអត្តសញ្ញាណ និងព័ត៌មានលំអិត។

កាលពីសប្តាហ៍មុន កូរ៉េខាងជើងបាននិយាយថា ខ្លួនបានបាញ់មីស៊ីលល្បឿនលឿនជាងសំឡេងបានជោគជ័យតាមគោលដៅកាលពីថ្ងៃទី៥ ខែមករា។

ការបាញ់សាកល្បងរបស់កូរ៉េខាងជើងដែលមានអាវុធនុយក្លេអ៊ែរបានបញ្ជាក់ពីការប្តេជ្ញាចិត្តថ្មីរបស់មេដឹកនាំ គីម ជុងអ៊ុន ដើម្បីបង្កើនសមត្ថភាពយោធារបស់ខ្លួនជាការឆ្លើយតបនឹងទណ្ឌកម្មអន្តរជាតិចំពេលកិច្ចពិភាក្សាជាមួយកូរ៉េខាងត្បូង និងសហរដ្ឋអាមេរិកជាប់គាំង។

នេះជាការបាញ់សាកល្បងថ្មីបំផុតធ្វើឡើង បន្ទាប់ពីបេសកកម្មអាមេរិកទៅកាន់អង្គការសហប្រជាជាតិដែលមានការចូលរួមពីប្រទេសបារាំង អៀរឡង់ ជប៉ុន ចក្រភពអង់គ្លេស និងអាមេនី ដែលបានចេញសេចក្តីថ្លែងការណ៍រួមគ្នាថ្កោលទោសចំពោះការបាញ់សាកល្បងកាលពីសប្តាហ៍មុន៕