ព័ត៌មានអន្ដរជាតិ
WHO ព្រមាន បើការឆ្លង អូមីក្រុង មិនថមថយ វីរុសបំប្លែងថ្មីកាន់តែសាហាវ នឹងលេចចេញមកទៀត
ប្រធានអង្គការសុខភាពពិភពលោក (WHO) បាននិយាយកាលពីថ្ងៃពុធទី១២ខែមករាថា វីរុសកូវីដ១៩បំប្លែងខ្លួន អូមីក្រុង មិនបណ្តាលឲ្យមានជំងឺធ្ងន់ជាងប្រភេទ ដែលតា ទេប៉ុន្តែវានៅតែជា “មេរោគដ៏គ្រោះថ្នាក់” ជាពិសេសសម្រាប់អ្នកដែលមិនបានទទួលវ៉ាក់សាំង។
ថ្លែងនៅក្នុងសន្និសីទសារព័ត៌មានមួយ លោកអគ្គនាយក Tedros Adhanom Ghebreyesus បានលើកឡើងថា ប្រទេសជាង៩០មិនទាន់សម្រេចបានគោលដៅនៃការចាក់វ៉ាក់សាំង ៤០ភាគរយដល់ប្រជាជនរបស់ពួកគេទេ ហើយជាង៨៥ភាគរយនៃប្រជាជនទ្វីបអាហ្រ្វិក បានទទួលថ្នាំបង្ការត្រឹមតែមួយដូសប៉ុណ្ណោះ។
“យើងមិនត្រូវអនុញ្ញាតឲ្យមេរោគនេះ រីករាលដាលខ្លាំងនោះទេ ជាពិសេសនៅពេលដែលមនុស្សជាច្រើននៅជុំវិញពិភពលោក នៅតែមិនទាន់ចាក់វ៉ាក់សាំង”។
នៅក្នុងរបាយការណ៍រោគរាតត្បាតប្រចាំសប្តាហ៍របស់ខ្លួនកាលពីថ្ងៃអង្គារ WHO និយាយថា ក្នុងរយៈពេលមួយសប្តាហ៍គិតត្រឹមថ្ងៃទី៩ខែមករា ករណីឆ្លងបានកើនឡើង៥៥ភាគរយឬ ១៥លានករណី ដែលជាករណីឆ្លងច្រើនបំផុតត្រូវបានរាយការណ៍ក្នុងមួយសប្តាហ៍។
លោក Tedros និយាយថា “ការកើនឡើងនៃករណីឆ្លងដ៏ធំនេះ កំពុងត្រូវបានជំរុញដោយវីរុសបំប្លែងខ្លួន អូមីក្រុង ដែលកំពុងជំនួសវីរុស ដែលតា យ៉ាងឆាប់រហ័សនៅស្ទើរតែគ្រប់ប្រទេសទាំងអស់”។
មនុស្សភាគច្រើនដែលកំពុងសម្រាកព្យាបាលនៅមន្ទីរពេទ្យជុំវិញពិភពលោកជាមួយជំងឺកូវីដ១៩ គឺជាអ្នកមិនចាក់វ៉ាក់សាំង ហើយប្រសិនបើការចម្លងមិនត្រូវបានកាត់បន្ថយទេនោះ នឹងមានហានិភ័យកាន់តែខ្ពស់នៃការលេចចេញនូវវីរុសបំប្លែងខ្លួនមួយទៀត ដែលអាចឆ្លងកាន់តែខ្លាំង និងសាហាវជាង អូមីក្រុង៕
ប្រែសម្រួល៖ Vann Vann
ប្រភព៖ CNA
ចុចអាន៖ រកឃើញរោគសញ្ញា អូមីក្រុង ថ្មីមួយទៀត ខុសដាច់ពីវីរុសបំប្លែងខ្លួនដទៃ
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៣ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល